POP 5

Lajmet më të lexuara të 5 minutave të fundit

Kronikë

Lezhë/ Mungon uji në plazhin e Kunes, largohen pushuesit! S'ka energji për pompat, përplasen OSHEE dhe Ujësjellësi

Me qindra pushues po detyrohen të braktisin plazhin e Kunes në Shëngjin për shkak se mungon uji i pijshëm në çezma. Linja energjisë që furnizon pompat e ujit ka nevojë për investime, por institucionet si OSHEE ashtu dhe Ujësjellësi i shmangen përgjegjësisë.

Në pikun e sezonit, zona turistike e Kunes në Shëngjin po përballet me mungese të ujit të pijshëm. Prej gati 1 muaj, uji vjen në çezma në orare tejet të kufizuara dhe madje nuk përdoret për të pirë. Nga mungesa e ujit të pijshëm pushuesit kanë nisur ta braktisin plazhin e Kunes.

"Kam dhjetë ditë me pushime dhe çdo ditë ka probleme. Uji është jeta, si t'ia bëjmë?! Edhe pak ujë që vjen në çezma është i ndotur. Kam ardhur nga Zvicra të kaloj pushimet në vendin tim por do të iki se nuk ia vjen", tha një pushues.

"S'ka ujë për tu larë jo më për të pirë! Kjo është katastrofë! S'më shkon më mendja të vij më në Shqipëri", tha një tjetër emigrant që ka ardhur nga jashtë për pushime.

 Banorët janë pagues të rregullt të faturave, por detyrohen të blejnë ujin e pijshëm.

"9 ditë që nuk vjen asnjë pikë ujë. Kjo është neglizhencë e paparë e Ujësjellësit. Nga halli kemi bërë shpime, por uji del i ndotur. Ne si banorë dhe bizneset na ka dëmtuar shumë. Pushuesit vijnë një ditë apo dy dhe ikin", tha një banor i zonës.

Drejtoria e Ujësjellës-Kanalizime pranë Bashkisë së Lezhës bën më dije se ndërprerjet e ujit të pijshëm në Kune vijnë nga mungesa e energjisë në stacionin e pompave. Por e kontaktuar nga Report TV, dega e OSHEE në Lezhë tha se investimet për linjën e pompave të ujit duhet ti kryejë vetë Ujësjellësi. Derisa institucionet të zgjidhin këtë ngërç, plazhi i Kunes do të mbetet pa turistë.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tekniku: 11/08/2022 22:57

    Pa uje Po e bregdeti plot me lluce, te hyn hataja, pushime horror

    Përgjigju
  • Paul: 11/08/2022 20:26

    JEPJANI PLAZHIN NGA VELIPOJA NE KSANIL ALABARIT ,,,QE SHQIPERIA TE DALE NGA VARFERIA...VETEM ALABARI E RREGULLON BREGDETIN TONE.....

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça