POP 5

Lajmet më të lexuara të 5 minutave të fundit

Kronikë

Lezhë/ Ndërtoi një kat pa leje në hotelin 7-katësh, në pranga pronari! Në kërkim ish drejtori i Bashkisë, mori para për lejen

Tre zyrtarë të Urbanistikës në Bashkinë e Lezhës akuzohen se kanë marrë ryshfet pronarit të një hoteli në Shëngjin në këmbim të lejes së ndërtimit. Hotel "Fredi" në vijën e parë të bregdetit nga 6 kate u bë me shtatë në shkelje të ligjit. Aktualisht është arrestuar pronari i hotelit, ndërsa ish-drejtori i urbanistikës është shpallur në kërkim.

LEZHË - Policia e Lezhës ka vënë në pranga pronarin e hotel "Fredi" në vijën e parë të bregdetit të Shëngjinit, 46-vjeçarin Fred Ndoka. Në kërkim është shpallur ish-drejtori i Urbanistikës në Bashkinë e Lezhës Sokol Toma dhe specialisti i Urbanistikes, Naim Cara. Ndërsa përgjegjësja e kësaj zyre, Adiona Martini po hetohet në gjendje të lirë.  

Ish-drejtori dhe dy punonjësit e Urbanistikës së Lezhës akuzohen për shpërdorim detyre. Nga hetimet ka rezultuar se Sokol Toma i ka dhënë leje për një kat shtese pronarit të hotel "Fredi" në Shëngjin. Pra nga 6 kate hoteli është ngritur në 7 kate gjatë vitit 2018.

Sipas prokurorisë, leja e ndërtimit është dhënë në shkelje të ligjit, pasi në planin e territorit është përcaktuar që objektet duhet të jenë 6-katëshe. Dyshohet se Toma, Cara dhe Martini kanë marrë ryshfet për miratimin e lejes së ndërtimit.

Operacioni është kryer nga Seksioni për Krimin Ekonomik në Policinë e Lezhës pas një hetimi 3 javor.  Pronari i hotelit, Fred Ndoka 46 vjeç, i arrestuar tashmë është njohur me dy akuza: "ndikim të paligjshëm ndaj personave që ushtrojnë funksione publike” dhe “ndërtim i paligjshëm”.

Po kështu me akuzën për shpërdorim detyre është njohur edhe Adiona Martini, e cila po hetohet në gjendje të lirë. Në kërkim policor, për akuzën e shpërdorimit të detyrës, janë shpallur Naim Cara aktualisht specialist në Bashkinë së Lezhës, dhe Sokol Toma, ish-drejtor i Urbanistikës.

Zyrtarët nën hetim:  

Sokol Toma, 47 vjeç, ish-drejtor i Drejtorisë së Planifikimit të Territorit dhe Zhvillimit Urban në Bashkinë Lezhë

Adiona Martini, 32 vjeçe, përgjegjëse sektori në Drejtorinë e Planifikimit të Territorit dhe Zhvillimit Urban në Bashkinë Lezhë

Naim Cara, 41-vjeç, specialist në Drejtorinë e Planifikimit të Territorit dhe Zhvillimit Urban në Bashkinë Lezhë

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vera: 15/11/2020 17:40

    E KENI SHKATARRUAR SHENGJININ ME PALLATE TE SHEMTUARA,,,MOR MALOKE TE POSHTER ,,JU ZHDUKTE KORONA ISHALLAH...NDYRESIRA....PTU,PTU,PTU,,....

    Përgjigju
  • deni: 14/11/2020 17:50

    Po shkoni dhe shihni ne Drilon, Pogradec te gjith hotelet dhe pallatet me nga 2-3 kate shtese.

    Përgjigju
  • Hajte: 14/11/2020 13:01

    Gjushin gjushin leji kta me 1 kat. Gjushi Dako I qr fare e si hyni gjemi n kom se ka mor edi pjesen e vet

    Përgjigju
  • Turisti: 14/11/2020 11:55

    Çfarë Masakre Ndërtimore ,Skandaloze,pastaj nga 1 Air Klima pëf Ballkon,sh mirë mund të bëhej një Klima Multi për të gjithë hotelin?!

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

E 'dogji' me alkool dhe duhan, gjimnastja japoneze përjashtohet nga Lojërat Olimpike

E 'dogji' me alkool dhe duhan, gjimnastja japoneze përjashtohet nga Lojërat Olimpike

22 Korrik, 20:55