Lezhë/ Përplaset nga autobusi teksa po kthehej nga shkolla, dërgohet tek Trauma 6-vjeçarja! Në pranga shoferi

Një vajzë 6-vjeçe mbeti e plagosur rëndë pasditen e sotme, pasi u përplas nga një autobus që transportonte nxënës shkolle në Shënkoll të Lezhës.

Aksidenti ndodhi në rrugen e burgut, ndërsa e mitura mori fraktura në disa pjesë të trupit dhe u dërgua me urgjence për ndihmë mjekësore në Spitalin e Traumes në Tiranë, nga ku mësohet se ndodhet në gjendje të rëndë shëndetësore.

Ndërkohë, policia e cila mbërriti menjëherë në vendin e ngjarjes arrestoi drejtuesin e autobusit që shkaktoi aksidentin, shtetasin Petrit Frroku 56-vjeç banues në Lezhë, ku ndaj tij është ngritur akuza "Shkelja e rregullave të qarkullimit rrugor".

"Automjeti autobus është bllokuar në Komisariat në cilësinë e provës materiale. Drejtuesit të automjetit i është bërë dhe testi i alkoolit ku ka rezultuar se nuk kishte konsumuar alkool (0.00 mg/l)", njoftoi policia.

Grupi hetimor nën drejtimin e  Prokurorisë po vijon veprimet hetimore për dokumentimin e plotë ligjor të këtij rasti, ku nga të dhënat paraprake bëhet me dije se vajza e mitur po kthehej nga shkolla dhe i ka ndërprerë rrugën autobusit, i cili po transportonte nxënës të tjerë.

S.B/S.G/Shqiptarja.com

TAG:
• përplaset e mitura
• aksident
• shenkoll
• Lezhe