POP 5

Lajmet më të lexuara të 5 minutave të fundit

Kronikë

Lezhë,pranga 30-vjeçarit shiste 
barna pa faturë, hiqej si i Gardës

olicia e Lezhës ka vënë në pranga një 30-vjeçar nga Tirana pasi tregtonte barna farmaceutike pa faturë tatimore. Gjithashtu mësohet se për t’i shpëtuar kontrolleve ai përdorte një dokument si punonjës i Gardës së Republikës.
LEZHË - Një 30-vjeçar nga Tirana ka rënë në prangat e policisë së Lezhës, pasi është kapur duke transportuar dhe shitur barna pa faturë tatimore. Operacioni është kryer nga Sektori Kundër Krimit Financiar pranë Drejtorisë Policisë Qarkut Lezhë rreth orës 12:00 të ditës së shtunë tek kryqëzimi i Milotit, ndërsa në pranga ka rënë Ergest Brahimi.

Gjithashtu mësohet se për t’i shpëtuar kontrolleve ai përdorte një dokument si punonjës i Gardës së Republikës, një Distinktiv Policisë Kriminale, një tabelë dore të Policisë Rendit dhe një Radio.
 
Uniformat blu kanë bërë të ditur se pas kontrollit të ushtruar në mjetin e tij furgon të tipit Wolsvagen Caddy me targa AA793IZ barna farmaceutike pa faturë tatimore. Në automjet i janë gjetur edhe objekte apo dokumente që ai i përdorte për të shmangur kontrollet nga policia.

Sipas policisë ai përdorte një dokument si punonjës i Gardës së Republikës, një Distinktiv Policisë Kriminale, një tabelë dore të Policisë Rendit dhe një Radio Policie, ku ai  paraqitej si Oficer Policie për të shmangur kontrollet policore.

Nga hetimet e kryera deri më tani uniformat blu kanë bërë të ditur se barnat ai i merrte barnat në vendet fqinje dhe i shiste në vendin tonë pa paguar asnjë detyrim ndaj taksave të shtetit. Policia bëri të ditur se sasia e mallrave e bllokuar kap një vlerë të konsiderueshme, ndërsa në lidhej me ngjarjen ka nisur një hetim i hollësishëm.
 
Pritet që të merret në pyetje 30-vjeçari i arrestuar për të mësuar më tepër rreth aktivitetit të tij, por nga hetimet e kryera deri më tani mësohet se ai lëvizte prej kohësh pa u shqetësuar nga askush.

Policia ka sekuestruar automjetin e tij sëbashku me sasinë e barnave të kapura, ndërsa materialet  janë referuar në Prokurorinë e Rrethit Gjyqësorë Kurbin  për veprat  penale të “Fshehja e të ardhurave”,parashikuar nga neni 180 i Kodit Penal, “Falsifikim i dokumenteve” neni 186 i Kodit Penal si dhe “ Mbajtja pa të drejtë e uniformës” neni 247 i Kodit Penal.

Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Linja e interkonjeksionit Shqipëri-Maqedoni, Shkupi ndërpret kontratën me Energoinvest! MEPSO: S’u përmbushën detyrimet, procedurë e re prokurimi!

Linja e interkonjeksionit Shqipëri-Maqedoni, Shkupi ndërpret kontratën me Energoinvest! MEPSO: S’u përmbushën detyrimet, procedurë e re prokurimi!

10 Janar, 15:42