Librazhd, Beqaj: Ilaçe në të gjitha 
zonat që rrezikojnë të bllokohen

Librazhd, Beqaj: Ilaçe në të gjitha <br />zonat që rrezikojnë të bllokohen
TIRANE- Ministria e Shëndetësisë ka nisur shpërndarjen e barnave dhe materialeve të konsumit mjekësor për fshatrat dhe zonat që rrezikojnë të bllokohen gjatë sezonit të dimirit. Ministri Ilir Beqaj ka vizituar disa nga qendrat shëndetësore në Librazhd, ku janë shpërndarë barna në rast të bllokimit për shkak të borës. Plani i Ministrisë së Shëndetësisë që ka nisur të zbatohet prej datës 25 nëntor, parashikon shpërndarjen e 42 barnave dhe 24 matrialeve të konsumit mjekësor, të nevojshme për Qendrat Shëndetësore.

“Këtë dimër, ne i garantojmë që nuk do të kenë mungesa me barna dhe materiale mjekësore në qendrat shëndetësore të kujdesit shëndetësor parësor. Në Librazhd janë 6 qendra shëndetësore që janë veçanërisht të rrezikuara nga kushtet e motit të rënduar gjatë dimrit, dhe përkatësisht, ato të komunave Stravaj, Qendër, Lunik, Orenje, Streblevë e Rrajcë”, - u shpreh Beqaj, i cili shoqërohej edhe nga deputeti i Librazhdit, Taulant Balla.

Në listën e 42 barnave përfshihen anti-infektiv, barna hormonale, barna për gjakun dhe organet etj. Në listën e matrialeve të konsumit mjeksor përfshihen sistemi infuzioni, shiringa, pambuk, aparat tensioni etj. Vitet e fundit shumë zona të thella që janë bllokuar nga bora janë furnizuar me ilaçe nëpërmjt helikopterëve.

Rimbursimi
Për ministrin Ilir Beqaj banorët në të gjitha fshatrat dhe zonat e thella, do të përfitojnë edhe recetën e rimbursueshme me një afat 2-mujor, nga 1 muaj që ishte më parë. “Ka edhe një masë tjetër që ka filluar të zbatohet që në muajin prill nga Ministria e Shëndetësisë dhe Fondit të Sigurimit, por që këtë dimër do të ndihet më shumë, dhe që ka të bëjë me recetën dy-mujore me rimbursim, që do të thotë se shumë prej banorëve të këtyre zonave mund të marrin furnzimin me barna që nga nga mesi apo java e tretë e dhjetorit, dhe ta kenë këtë deri në fund të shkurtit, kur përgjithësisht është edhe momenti kur stina e dimrit fillon dhe zbutet”, - theksoi Beqaj.

Duke falënderuar Ministrin Beqaj për këtë zgjidhje, e cila i ka munduar prej vitesh banorët e këtyre zonave, deputeti Taulant Balla u shpreh se kjo është një praktikë tashmë e konsoliduar prej dy vitesh. “Unë personalisht si deputet i bëja thirrje ministrisë së Shëndetësisë të mundësonte furnizimin ndoshta edhe nga ajri për këto zona me ilaçet bazë. Tashmë, gjërat ndodhin ndryshe, sepse furnizimi në kohë bëhet që pa filluar rreshjet e dëborës, deri në mars i kanë ato ilaçet bazë aty”, - tha Taulant Balla. Vetëm në zonën e Librazhdit janë furnizuar qendrat shëndetësore, të cilat kanë një popullsi prej 27.475 banorë.


Shkrimi u botua në Shqiptarja.com (print) në 8 Dhjetor 2015

Redaksia Online
(d.a/shqiptarja.com)  

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet