LIBRAZHD- Postieri i Komunës simuloi grabitjen e tij për të vjedhur 13 milionë lekë të vjetra. Ngjarja është shënuar në fshatin Orenjë të Librazhdit. Demir Kryeziu kishte bërë denoncimin në polici sikur 2 persona me maskë i kishin dalë para dhe i kishin grabitur 13 milionë lekë të vjetra, ose 1. 3 milionë lekë të reja.

Pas hetimeve rezultoi se personi ka simuluar ngjarjen dhe ka gënjyer për personat e armatosur. Policia arrestoi postierin mashtrues ndërsa më vonë priten të zbardhen dhe arsyet pse postieri kishte këtë shumë dhe për cfarë destinacioni.

(sg/shqiptarja.com)