Libri nën hijen e çadrës. Ja cilat
janë librat më të dashur në verë

Libri gjatë stinës së verës është gjithmonë i pranishëm dhe i dashur tek ata të cilët e duan dhe nuk ndalen së lexuari. Leximi është më i lehtë dhe më i këndshëm kur libri vendoset poshtë çadrës sonë të plazhit pasi dhe zhanret që preferohen më tepër janë romanet.

Pushimet verore e duan librin të jetë më i lehtë për t`u shfletuar. Në një intervistë për emisionin e mëngjesit “Rreze Dielli”, librashitësja Kozeta Gjonçi pranë një prej librarive më të frekuentuar në Tiranë tha se librat që preferohen më tepër të lexohen gjatë pushimeve verore janë ato me histori jetësore apo dashurie.



“Libri është pjesë e axhendës së pushimeve tona verore” thotë librashitësja Kozeta.

Ndër librat që preferohen më tepër dhe janë blerë më shumë sipas librashitëses Kozeta janë romanet e Lesley Lokko “Kryekëput mashtrim” dhe “E fshehta e një vere”, romani i Fabio Volo “Rruga për në shtëpi”, Guillaume Musso me romanin “Thirrja e ëmgjëllit”, Nicholas Sparks me romanin bestseller i New York Times “Fati është në yje”, Daria Bignardi me romanin “Akustikë e përkryer”, Anna Premoli “Dshuria e jetës sime”, Gregoire Delacourt “Lista e dëshirave të mia” etj.
 


Edhe librat për fëmijë janë të kërkuar nga grupmosha të ndryshme të fëmijëve të cilët pas përfundimit të shkollës shfletojnë libra jashtëshkollorë.

Leximi gjatë pushimeve verore tek fëmijët nuk duhet të fokusohet gjithmonë tek librat shkollorë por tek librat të cilët kanë titujt interesantë, histori të këndshme dhe me humor.

Sipas librashitëses Kozeta titujt e librave më të dashur për fëmijë gjatë pushimeve verore janë: “Ana me flokë të kuqe”, autori David Walliams “Gjyshja Gango” si dhe kolana të tjera nga autorët për fëmijë.
Redaksia Online
(m.z/shqiptarja.com)