Libri ‘Rage’ zbulon deklaratën e Trump: Kam një armë bërthamore të paparë

Pas polemikave në lidhje me rrezikun e Covid në SHBA, i mbajtur fshehur nga presidenti amerikan Donald Trump, autori i librit "Rage", Bob Woodward tregon të tjera biseda telefonike që ai ka patur me qiramarrësin e Shtëpisë së Bardhë

Sipas Woodward, Presidenti Trump i ka thënë se ai ka ndërtuar një sistem bërthamor të pa dëgjuar më parë.

 "Unë ndërtova një sistem bërthamor, një armë që askush nuk e ka pasur kurrë më parë në këtë vend. Ne kemi diçka që nuk është parë dhe dëgjuar kurrë. Diçka që as Putin dhe as Xi Jinping nuk dinë gjë për të".

Në arsenalin amerikan të armëve ka shumë sekrete. Provat e kësaj u gjetën gjatë operacionit ushtarak që vrau Osama Bin Laden në vitin 2011.

Forcat special amerikane u detyruan të shkatërronin një prej helikopterëve që u godit teksa fluturonte mbi  strehën e themeluesit të Al Kaidës. Mbetjet e atij aeroplani dhe në veçanti bishti kanë treguar se ishte një model i panjohur: për nëntë vjet askush nuk e ka zgjidhur ende misterin dhe nuk ka asnjë foto të vetme të këtij mjeti.

Në fakt, shtypi amerikan është shumë i kujdesshëm në shqyrtimin e hollësishëm të kontratave të Pentagonit, të cilat në rastin e investimeve të mëdha duhet të kalojnë provimin e komisioneve parlamentare. Gushtin e kaluar, për shembull, Qendra e Forcave Ajrore për Kërkime Bërthamore kishte paraqitur një kërkesë që ngriti menjëherë alarmin: ndërmarrjeve iu kërkua të paraqisnin plane për një ICBM hipersonik, të aftë për shpejtësi shumë të larta. Pas rekomandimit të një reviste të specializuar, të marrë nga disa faqe në internet, thirrja u tërhoq. Dhe Pentagoni shpjegoi se ishte vetëm një nga shumë studimet për të azhurnuar arsenalin e raketave: një program i destinuar të mbyllet në 2070 me një kosto të vlerësuar prej 85 miliardë dollarësh.

Dihet që presidenti amerikan ka një pasion të veçantë për testatat bërthamore.

Pas viteve në të cilat Shtetet e Bashkuara ishin përqendruar në luftën globale kundër terrorizmit, Trump ka rihapur konfrontimin me Rusinë dhe Kinën duke u përqëndruar në armët bërthamore. Megjithatë, nga projektet e nisura, i vetmi që ka hyrë në shërbim është W76-2, versioni i azhurnuar i një bombe "taktike" me potencial të ulët. Por kjo pajisje që nuk mund të korrespondojë me identikitin e përshkruar në intervistën me gazetarin e Watergate: fjalitë e presidentit tregojnë diçka shumë më të sofistikuar…

Dhe në mungesë të të dhënave, dyshimet shkojnë në hapësirë ku një anije ushtarake e quajtur X-37 është lëshuar për disa kohë më parë: misioni i fundit daton majin e kaluar. Askush nuk e di se çfarë bën kjo anije kozmike robotike ndërsa udhëton në orbitë. Por të gjithë e mbajnë mend se kur u ndal gara e Luftës së vjetër të Ftohtë: SHBA dhe BRSS po studionin raketa bërthamore të vendosura në satelitë dhe të afta të godisnin kudo…

Në "Rage" thuhet gjithashtu se Presidenti Donald Trump e dinte që Covid-19 ishte më vdekjeprurës sesa gripi para se të godiste SHBA por donte të ulte krizën dhe të mos krijonte panik

Bob WoodWard, gazetari që theu skandalin Watergate, e intervistoi  Trump 18 herë nga dhjetori në korrik 2020.

Trump i tha atij se virusi ishte "një gjë vdekjeprurëse" para se të konfirmohej vdekja e parë në SHBA, më vonë shtoi se ai donte ta "shuante atë" për të shmangur shkaktimin e panikut.

Në intervistat për librin e ardhshëm të Woodward, Trump tregoi se ai dinte më shumë për ashpërsinë e sëmundjes sesa kishte thënë publikisht.

Sipas zbardhjes së një telefonate, Trump i tha  Woodward në shkurt se virusi ishte më vdekjeprurës se gripi.

Më 19 Mars, ndërsa kriza amerikane e koronavirusit filloi dhe Shtëpia e Bardhë e shpalli atë një emergjencë kombëtare, presidenti i tha Woodward: "Unë doja ta shuaja gjithmonë. Më pëlqen akoma të shtirem kështu, sepse nuk dua të krijoj panik".

Menjëherë pasi u botuan raportet për pretendimet e librit, Trump shkroi në Twitter: "Libri i Bob Woodward do të jetë fals, si gjithmonë, ashtu si shumë nga të tjerët".

TAG:
• Trump
• Xi Jinping
• Putin
• arme berthamore
• Rage
• Bob Woodward