Liga Profesioniste e Futbollit, ja si FSHF-ja tallet me klubet!

Krijimi i Ligës Profesioniste të Futbollit është një çështje e diskutuar shpesh në futbollin tonë, duke u konsideruar si një hallkë, që mund të rregullojë shumë gjëra.

Të paktën në teori kështu është. Pak ditë më parë u dha lajmi se është gjithçka gati për Ligën Profesioniste dhe krijimi i kësaj lige është tashmë vetëm një formalitet, edhe pse jo të gjithë klubet e kanë dhënë miratimin e tyre.

Me krijimin e Ligës Profesioniste, klubet e futbollit në Shqipëri duhet të jenë më shumë zotë të vetes, pasi kanë të drejtën e të qenit pjesë e vendimmarrjeve të rëndësishme në lidhje me garën dhe mbarëvajtjen e saj.

LEXO EDHE:
Kalendari/ Superliga me 'fotofinish', vendi i katërt përcaktohet javën e fundit! Raundi i 35-të të mërkurën në një orar

Krijimin e Ligës Profesioniste e ka mbështetur edhe Federata Shqiptare e Futbollit, që në fakt duket se po tallet me klubet, përderisa vendimet e rëndësishme i merr vetë, siç ka bërë me shitjen e të drejtës televizive.

Dihet që e drejta televizive është një nga pikat më të rëndësishme për klubet shqiptare, që në rastin kur funksionon Liga Profesioniste, i takon që ata ta administrojnë vetë atë.

Në rastin konkret, e drejta televizive jo vetëm që është shitur, por për herë të parë është shitur për katër vjet.

Pra, vendimi për një nga pikat më të rëndësishme të Ligës Profesioniste, është marrë tashmë nga FSHF-ja, që e inkurajon krijimin e kësaj lige, pasi tani nuk i prish më punë, shkruan

Çfarë mund të bëjë Liga Profesioniste në këtë rast? E pamundur që shitja e të drejtës televizive të kthehet mbrapsht… Për çështje të tjera le të vendosë Liga, FSHF-ja ka mbaruar punë me atë që i intereson./ VIPSPORT

TAG:
• fshf
• Komiteti Ekzekutiv
• Liga profesioniste

Sondazhi i ditës:

Propozimi i PS, a na duhet një reformë e re anti-korrupsion?

• Po

  67%

• Jo

  25.6%

• Nuk e di

  7.4%

Vota total: 476

• Sondazhi i ditës:

  Propozimi i PS, a na duhet një reformë e re anti-korrupsion?

  Po Jo Nuk e di