Zv.ministri i Jashtëm i Maqedonisë së Veriut, Zoran Dimitrievski, komentoi procedurën e nisur në Gjykatën Kushtetuese të vendit për abrogimin e ligjit të gjuhëve.
Nga Korça, ku ishte i pranishëm në konferencën shkencore për 80 vjetorin e mësimit të gjuhës maqedonase në Shqipëri, ai tha se Gjykata Kushtetuese nuk pritet të marrë vendime që cënojnë gjuhën shqipe.
"Këto klauzola, që përmendni, janë krijuar për të rregulluar përdorimin e gjuhës shqipe në kontekste specifike, si në uniformat e policisë dhe ushtrisë, në kartëmonedha, ose në raste të caktuara në gjykata. Mendoj se nuk do të ketë vendime që do shkelin kushtetutën dhe konkretisht vendim I cili do të cënonte përdorimin e gjuhës shqipe në Maqedoninë e Veriut",- tha Dimitrievski.
Në Maqedoninë e Veriut, çështja e përdorimit zyrtar të gjuhës shqipe lidhet me marrëdhëniet ndëretnike dhe të drejtat e pakicave. Shqiptarët përbëjnë një përqindje të konsiderueshme të popullsisë, dhe përdorimi i gjuhës shqipe si gjuhë zyrtare është një element i rëndësishëm për të garantuar sigurinë dhe barazinë e tyre.
"Ky është një moment i rëndësishëm që thekson rëndësinë e ruajtjes së kulturës dhe gjuhës, si dhe marrëdhëniet e mira fqinjësore. Festimi i 80 viteve të mësimdhënies së gjuhës maqedonase në Shqipëri është një dëshmi e lidhjeve kulturore të qëndrueshme dhe respektit të ndërsjellë midis dy vendeve. Njohja dhe mbështetja e të drejtave të pakicave, si mundësia për të mësuar dhe ruajtur gjuhën amtare, forcon lidhjet midis vendeve dhe nxit bashkëpunimin rajonal",- theksoi zv.ministri i Jashtëm i RMV.
Lajme të tjera
-
Maqedoni e Veriut, opozita kërkon dorëheqjen e kryeministri Zoran Zaev
27 Nëntor 2020, 10:37 -
Qeveria në Maqedoninë e Veriut synon dekriminalizimin dhe legalizimin e marijuanës
26 Nëntor 2020, 10:16 -
Covid-19 në Maqedoninë e Veriut më shumë se 40 mijë njerëz kanë humbur vendet e punës
21 Tetor 2020, 16:53
