POP 5

Lajmet më të lexuara të 5 minutave të fundit

Ekonomi

Ligji në Kuvend, taksë për kalimin
në autostradat kryesore të vendit

Në autostradat kryesore të vendit do të paguhen para për të kaluar. Qeveria nëpërmjet një projektligji që ka depozituar në Kuvend ka parashikuar se akset kryesore të vendit të kalojnë në koncesion nga kompanitë private, pasi kostot për përballimin e mirëmbajtjes së tyre janë tepër të larta.
TIRANE- Në autostradat kryesore të vendit do të paguhen para për të kaluar. Qeveria nëpërmjet një projektligji që ka depozituar në Kuvend ka parashikuar se akset kryesore të vendit të kalojnë në koncesion nga kompanitë private, pasi kostot për përballimin e mirëmbajtjes së tyre janë tepër të larta. Sipas relacioni që është bashkangjitur këtij vendimi theksohet se aktualisht autostradat janë në kushte të pa përshtatshme për qarkullimin e automjeteve dhe kosto për mirëmbajtjen e tyre është tepër e lartë.

“Duke vlerësuar rreziqet e trafikut, del e domosdoshme dhe emergjente marrja e një sërë masave për rehabilitimin, mirëmbajtjen dhe operimin e këtyre akseve rrugore, të cilat duhen shoqëruar me masa dhe procedura ligjore të menjëhershme, ku të parashikohet jo vetëm realizimi procedural i dhënies me koncesion të këtyre akseve, por edhe futja e shërbimeve të tjera që i shërbejnë buxhetit të shtetit, siç është vendosja e instalimeve për mbledhjen e tarifave për kalimin e automjeteve në këto akse rrugore.

Në këto kushte, situata e krijuar në infrastrukturën rrugore nacionale imponon ndërhyrjen për të zgjidhur në një kohë sa më të shkurtër këtë situatë, duke bërë një përjashtim nga zbatimi i këtij ligji edhe për ndërtimin, operimin, mirëmbajtjen dhe rehabilitimin e rrugëve nacionale, kur ato paraqesin rëndësi të veçantë për infrastrukturën rrugore të vendit. Pra, kjo ndërhyrje nuk përfshin të gjitha koncesionet për rrugët, por vetëm ato për raste të veçanta dhe të një rëndësie të madhe për infrastrukturën nacionale rrugore të vendit. Këto raste të veçanta rregullohen me akte nënligjore, siç parashikohet në pikën, 2, të nenit 5, të ligjit në fuqi”,- theksohet në relacion.

Kësisoj sipas këtij projektligji parashikohet që akset rrugore të vendit, siç është autostrada Durrës-Kukës do të vendoset në sistemin e trafikimit për automjetet që do të kalojnë aty. Veç kësaj, autostrada që nuk përbëjnë një rëndësi të veçantë në qarkullimin e automjeteve do të përjashtohen nga koncesionet.


Shkrimi u botua në Shqiptarja.com (print) në 30 maj 2014
(d.a/shqiptarja.com)  
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31