Ministrja e Arsimit, Lindita Nikolla deklaron se matura e këtij viti nuk do të ketë surpriza. Lëndët janë shfaqur në faqen e Ministrisë së Arsimit dhe ne Portalin U-Albania, ku gjimnazistët mund të përzgjedhin lëndët në bazë të kritereve. Nikolla shpreh se universitetet do të jenë pranë gjimnazeve për t’i informuar rreth çdo detaji.

Këtë vit do të ndodhë një përmbysje sa u përket degëve që do të jenë prioritare. Qeveria shpall prioritare degët e mësuesisë, duke shtuar se në fushën e mësuesisë do të përzgjidhen nxënësit me mesatare më të lartë.

”Do të mbështesim ata më të mirët, që do të jenë nesër mësuesit tanë”, ka thënë Ministrja.

Lindita Nikolla ka shprehur se për çdo maturanti ekselent që zgjedh mësuesinë, do t'i mbulohen tarifat dhe kostot e studimit. Për të marrë fondin e ekselencës nevojitet të kalohet nga këto etapa:

1. Nxënësi duhet të rezultojë fitues në Universitet
2. Nxënësi duhet të dërgojë kërkesën pranë Ministrisë së arsimit

 

d.gj/ Shqiptarja.com