SHKODER - Presidentja e Fondacionit “Fëmijët Shqiptarë”, Liri Berisha, ka qenë pranë shtëpisë së Motrave të Nënë Terezës në Shkodër ku është takuar me fëmijët me probleme mendore, të cilët janë nën kujdesin e motrave të Nënë Terezës. Zonja Berisha i ka bërë atyre dhurata me rastin e festave të fundvitit.

Liri Berisha mori pjesë në meshën e mbajtur nga arqipeshkvi i Shkodrës Monsinjor Angelo Massafra.

Gjatë fjalës së saj zonja Berisha i bëri apel të gjithë biznesmenëve shqiptarë që të kontribuojnë nën shembullin e humanistes shqiptare për të ndihmuar personat në nevojë në këto ditë festive.

(Gre.M/Shqiptarja.com)