Pas largimit nga shtëpia e beqarëve të Damianos dhe Danjelit, djemtë e tjerë të shtëpisë kanë filluar të aludojnë për ‘’fatin e tyre’’.

Liridoni ka ndarë me Ervinin dyshimin e tij se Damiano dhe Danjeli nuk kanë dalë nga shtëpia e Big Brother, por ndodhen në një ambient tjëtër.
 
“Unë mendoj se ata janë diku tjetër, janë tjetër kategori”, thotë Liridoni, ndërsa Ervini nuk mendon kështu. “Unë ta kam borxh jetën nëse ata nuk kanë dalë nga shtëpia”, thotë Ervini.
 
Danjelit dhe Damianos iu komunikua gjatë spektaklit të mbrëmshëm se ishin të eliminuarit e parë nga Big Brother, por në fakt ata krijuan dy çiftet të rinj, së bashku me Fotininë dhe Donjetën, duke u bërë zyrtarisht konkurrentë të Big Brother.
 
Pas vendosjes së tyre në shtëpinë e çifteve, Fotini dhe Danjeli kanë filluar të sillen si një çift i vërtetë. Ata madje kanë shkëmbyer puthje dhe pëqafime. 

Gjatë një bisede të tyre ku duken mjaft të afërt me njëri-tjetrin, Danjeli i ka thënë me shaka Fotinisë, se po lënë nam me këto puthje dhe përqafime sepse familja dhe njerëzit e afër po i shohin nga jashtë. 

Redaksia Online
XH.K/Shqiptarja.com