Serbia ka liruar tre policët e rrëmbyer të Kosovës. Analisti Gazmir Raci komentoi në Report Tv lirimin e policëve, ndërsa theksoi se Shqipëria ka pasur një rol të rëndësishëm duke i kërkuar në mënyrë të prerë Vuçiçit që t’i kthejë efektivët në shtëpinë e tyre. Ky veprim, për Racin është një dritë jeshile në fund të tunelit për normalizimin e marrëdhënieve mes Kosovës dhe Serbisë.
“Shqipëria luajti rol të rëndësishëm duke i kërkuar Vuçiçit me këmbëngulje që të lirojë policët. Është një dritë në fund të tunelit që s’do kemi tensione, por normalizimi. Të shohim a do jetë e gatshme Serbia të kthehet në normalitet dhe të zbatojë pikat e planit franko-gjerman, aty ka qenë problem më i madh. Nuk duhet nëse ishte për atë marrëveshje, a e pranoi, a ishte e gatshme ta zbatojë. Insistimi Ramës për lirimin e policëve, ka qenë insistimi më i mirë që ka mundur të zbusë sa do pak këtë goditjen e pandërprerë që ia jepte Kurtit”, tha analisti Gazmir Raci.
Ndërkohë, kreu i PDIU-së, Shpëtim Idrizi tha në emisionin ‘Kontrast’ me gazetarin Denis Minga, se pas lirimit të policëve, Albin Kurti duhet të ulet në diskutime me të gjitha forcat politike në Kosovë për të folur për dialogun dh qëndrimin që do të mbajë Kosova. Po ashtu, Idrizi thekson se duhet një kohezion me politikën e Shqipërisë, që çështja të marrë një peshë më të madhe. Kreu i PDIU-së, tha se duhet edhe një raport shumë i mirë me SHBA dhe BE.
“Kurti ka të drejtë kur flet për godinat e komunave për kryetarët që kanë votuar me 2 ose 3, por nuk mund ta marrësh nëse nuk je në unison dhe pa mbështetjen e perëndimit. Ky është një hap pozitiv, qe duhet shfrytëzuar për të kthyer palët në tryezë. Nëse ka një ministri e cila nuk i përket qeverisë, është e jashtme, nuk i përkon qeverive, por shtetit. Interesi kombëtar është ai që i përket gjithë shqiptarëve. Do doja të shihja, në radhë të parë, që Kurti të kishte kohezion dhe dialog me forcat politike në Kosovë edhe për të ndarë peshën e vendimmarrjes, sigurisht edhe një kohezion me Shqipërinë, komisionet e jashtme dhe parlamente, duhej të ishim në kohezion kombëtar nëse do donim ta shtonim peshën. Kurti nga një anë dhe Rama nga ana tjetër është gjëja më e panevojshme në këto momente.
Pa mbështetjen e BE dhe SHBA nuk e realizojmë dot. Raporti i shëndoshe me Shqipërinë, bërja të qartë e inversit kombëtar, raporti me SHBA dhe BE, bërja qartë e politikës së jashtme, janë jetike për shqiptarët. Shqipëria nuk mund të jetë pasive, duhet të fute në lojë komisionet e jashtme, sigurisë, parlamenti në mënyrë që të flasim me një zë dhe ta ndihmojmë kapsulimin e kësaj krize”, tha Idrizi.
Një koment për qëndrimin e Ramës e pati edhe analisti Lorenc Vangjeli. Ai thotë se është hera e parë në histori, që një kryeministër shqiptar i drejtohet Serbisë me retorikë aq të ashpër, sa ajo e ngritjes së marrëdhënieve.
“Pavarësisht retorikës që ka ardhur duke u përshkallëzuar ndaj Kurtit, në javën që lamë pas kemi pasur deklarimet më të ashpra dhe të rënda të një kryeministri shqiptar ndaj Beogradit. Me mënyrën e duhur dhe forcën e duhur Rama paralajmëroi një ngritje të marrëdhënieve me Beogradin përpos lirimit të tre policëve, të largohej shkaku fillestar i ritensionit të situatës”, tha Vangjeli.
Pas thirrjeve të ndërkombëtarëve, po ashtu edhe të Shqipërisë, Serbia liroi tre efektivët e rrëmbyer të Kosovës.
Analisti Lorenc Vangjeli ka komentuar lirimin e tre policëve të Kosovës, që ishim rrëmbyer prej 12 ditësh nga forcat serbe. Në emisionin ‘Kontrast’ në Report Tv, Vangjeli vlerësoi rolin e kryeministrit Edi Rama në këtë çështje, i cili me këmbëngulje ka kërkuar nga Serbia që të lirojë tre efektivët, ose marrëdhëniet e Shqipërisë me Serbinë do të ngrihen. Vangjeli thotë se Rama kryeministri i parë shqiptar që ka përdorur një retorikë kaq të ashpër ndaj Serbisë.
“Kryeministri shqiptar është palë në këtë histori, se është pjesë e shqiptarëve, në të gjitha rrethanat, përtej retorikës nëse nuk kuptohet kjo aksiomë e thjeshtë, keqkuptimi rrezikon të behët dramatik. Pavarësisht retorikës që ka ardhur duke u përshkallëzuar ndaj Kurtit, në javën që lamë pas kemi pasur deklarimet më të ashpra dhe të rënda të një kryeministri shqiptar ndaj Beogradit. Me mënyrën e duhur dhe forcën e duhur Rama paralajmëroi një ngritje të marrëdhënieve me Beogradin përpos lirimit të tre policëve, të largohej shkaku fillestar i ritensionit të situatës. Nuk është vullnet personal, është detyrim politik, moral, kushtetues, patriotik. Nëse ka një makth të vërtet qoftë në Uashington e Bruksel, do ishte ideja e një konflikti të mundshëm në këtë skaj të Europës sa kohë ka luftë në skajin tjetër”, tha Vangjeli.
Komente
Lajme të tjera
-
Parlamenti/ Tensione të tjera në sallë, Dogjani kërkon fjalën para Idrizit dhe bllokon foltoren, ndërhyn dhe Garda! Pritet votimi i buxhetit (VIDEO)
19 Nëntor, 20:03 -
Sot një vit nga ‘Banjska’, homazhe për heroin Afrim Bunjaku! Kurti: Ndërkombëtarët të detyrojnë Serbinë të mbajë përgjegjësi
24 Shtator, 10:02 -
Kuvendi miraton deklaratën: Greqia të heqë ligjin e luftës me Shqipërinë! Idrizi: Mban gjendjen e luftës dhe sekuestron për pronat e shqiptarëve
18 Korrik, 11:47 -
“Çështja “Çame” nuk është folklor”, Abaz Hado kritika ndaj Shpëtim Idrizit: Interesat e vogla gjithmonë të bëjnë të vogël
29 Qershor, 14:05 -
80-vjetori i gjenocidit në Çamëri, Shpëtim Idrizi: Duam falje publike nga Greqia
23 Qershor, 19:07 -
80-vjetori i gjenocidit grek te çamët përkujtohet në Kuvend! Idrizi: Dëshmitarët treguan masakrimin e kësaj popullsie
10 Qershor, 21:48 -
Autoriteti i Dosjeve firmos marrëveshje bashkëpunimi me Shoqatën "Çamëria", ekspozohen 105 Dosje
31 Maj, 19:04 -
‘Duhet ekip i ri opozitar për të mundur Ramën’, Idrizi ende i skeptik krah kujt do ‘rreshtohet’ për zgjedhjet parlamentare
24 Maj, 18:23 -
‘Nëse luan ndokush mendsh’, Idrizi në Report Tv: Greqia në gjendje lufte me ne, çështjen e ligjit ta ngremë në NATO e BE! Rama vuri 'vijat e kuqe'
24 Maj, 18:02 -
Serbët bojkotojnë zgjedhjet, shqiptarët mbeten në krye të komunave në veri të Kosovës! Osmani: Vuçiç shkeli fjalën që u dha ndërkombëtarëve
21 Prill, 19:28 -
I dërguari i Gjermanisë për Ballkanin Perëndimor: Të vazhdohen hapat për krijimin e Asociacionit
13 Prill, 09:03 -
111-vjet nga masakra e Selanit, Idrizi: Ca shqiptarë nuk mendojnë si shqiptarë, bëhen me Athinën dhe Belerin për inat të dikujt
1 Prill, 19:41
hahahaha o vangjelo e dime o e dime sa e do ramen ska rendesi me na e thene
PërgjigjuFUNDJA KA THENE NJE TE V E R T E T E , JU PELQEN APO JO JUVE QE BENI SIKUR NUK E KUPTONI