TIRANË - Prokuroria e Tiranës kërkoi sot dënimin me 3 vite burg për akuzën e shpërdorim detyres për ish-gjyqtarin Neritan Tabaku. Prokuroria kërkon gjithashtu që Tabaku të mos ushtrojë për 5 vite rrjesht profesionin e gjyqtarit.

Prokurori Jualian Zonja duke  lexuar pretencën në seancën e sotme gjyqësore argumentoi se Neritan Tabaku ka shkelur me dashje ligjin duke mos zbardhur për 1 vit e 7 muaj  vendin e pafajësisë dhënë ndaj të pandehurit Ilir Xhakja, duke bërë që prokuroria të mos e apelonte dot vendimin që çoi më pas në lirimin e këtij të fundit, i cili më 13 shtator 2012 ekzekutoi kryekomisarin Adem Tahiraj.

Në seancën që u zhvillua për rreth 30 minuta dhe nisi në orën 10.00 të paradites së sotme, mungonte i pandehuri, i cili përfaqësohej nga avokati mbrojtjës, Arianit Roshi.

Gjatë seancës së drejtuar nga gjykatësi, Bujar Krasniqi, prokurori i çështjes, Julian Zonja, ka deklaruar se, Tabaku "ka shpërdoruar detyrën gjatë gjykimit të çështjes ndaj të akuzuarit për vrasje Ilir Xhakja."

Pas dhënies së pretencës, avokati mbrojtës kërki nga gjykata e Tiranës kohë për të dhënë argumentet e mbrojtjes.

Gjykata vendosi që seanca e rradhës  ku do të dëgjohen konkluzionet e avokatit mbrojtës të Neritan Tabakut të zhvillohet në datën 18 shtator dhe më pas gjykata do të caktojë një datë tjetër ku do të bëjë publike vendimin.
gjyqi ndaj neritan tabakut
(Foto: Seanca e sotme ndaj Neritan Tabakut)


PSE NISI HETIMI NDAJ GJYQTARIT
Gjithçka nisi pasi Ilir Xhakja ekzekutoi më 13 shtator 2012 kryekomisarin e Shijakut Adem Tahiraj. Pas arrestimit të Ilir Xhakjes, u mësua se ky i fundit ishte liruar pasi ishte shpallur i pafajshëm me vendim të gjyqtarit Neritan Tabakut.

Menjëherë KLD rihapi dosjen dhe konstatoi shkelje. Gjyqtari nuk kishte zbardhur argumentimin e vendimit, dhe kjo nuk lejoi prokurorinë të apelonte vendimin e lirimit të dhënë nga Gjykata e Durrësit.   Më 21 shkurt 2013 KLD urdhëroi shkarkimin e tij për shpërdorimit të detyrës dhe ndaj tij,  duke i hapur rrugë prokurorisë që ta hetonte dhe ta dërgone për gjykim.

KLD: TABAKU NUK ZBARDHI VENDIMET E 60 DOSJEVE
Ndërkohë inspektorët e Këshillit të Lartë të Drejtësisë u befasuan nga skandali në Gjykatën e Shkallës së Parë në Durrës, ku rezultoi se numri i dosjeve të pazbardhura që ndodheshin në zyrat e gjyqtarëve të Durrësit dhe të padorëzuara me vendim të arsyetuar në kryesekretari, arrinte në 140.
Pas kontrollit disaditor rezulton se dosjet u përkasin tre viteve të fundit dhe ku pjesa më e madhe i takon gjyqtarit Neritan Tabaku, pasi ai nuk kishte zbardhur vendimet e 60 dosjeve, një ndër të cilat është edhe ajo e Ilir Xhakjes. Pas gjetjes me shkelje, Këshilli i Lartë i Drejtësisë e shkarkoi gjyqtarin Tabaku, duke i hapur rrugë prokurorisë që ta hetonte dhe ta dërgone për gjykim.

Pretenca e Neritan Tabakut