Lista e plotë/ Kush do mbikëqyren për pastrim parash nga krerët e shtetit, biznesmenët e tenderave, të huajt, qeveritë e gjyqësorit dhe forumet e PD-PS-LSI

Foto ilustruese

Pas 5 viteve në zonën e sigurt, në vitin 2020 Shqipëria u përfshi në listën gri sa i takon pastrimit të parave, duke u vendosur kështu nën monitorim të zgjeruar nga Task Forca për Veprim Financiar (FAFT) në Bruksel. Ky vendim u konfirmua edhe në mars 2021, pas konstatimit të hallave të dobëta për të goditur pastrimin e parave. Pas kalimit nga zona jeshile në listë gri, autoritetet shqiptare duhet të raportojnë sistematikisht për masat kundër pastrimit të parave. Një javë më parë, qeveria vendosi të ndryshojë ligjin e vitit 2008 për parandalimin e pastrimit të parave dhe financimit të terrorizimit, me qëllim për të intensifikuar luftën kundër pastrimit të parave.

Përpos të tjerave, ndryshimet zgjerojnë rrethin e personave që do të jetë objekt i ligjit kundër pastrimit të parave. Shqiptarja.com sjell sot kategoritë e plota të personave që do të jenë objekt i veprimit të ligjit kundër pastrimit të parave, jo vetëm gjatë detyrës, por deri në tre vite pas largimit nga detyra. Përfshihen të gjitha kategoritë si në ligjin në fuqi, ashtu edhe në ndryshimet e fundit, të cilat pritet që qeveria t’i referojë në Kuvend për miratim. Për herë të parë, të gjithë anëtarët e forumeve të larta të PD, PS, LSI, por edhe të partive të tjera, do të objekt i ligjit kundër pastrimit të parave.

Prokurorët e SPAK, hetuesit e Byrosë Kombëtare të Hetimit dhe anëtarët e gjykatave socialiste do të jenë gjithashtu të përfshirë në grupin e personave të ‘ekspozuar politikisht’. Krerët e shtetit shqiptar, ministra, deputetë, gjyqtarë dhe prokurorë të çdo niveli, drejtorët, kryetarët e bashkive etj., vijojnë të mbeten në rrethin e peronave të ekspozuar me risk për pastrim parash. Subjekte monitorimi janë edhe familjarët e të gjithë personave të ekspozuar politikisht. Nën vëzhgim do të janë edhe biznesmenët që janë në marrëdhënie të ngushtë me politikanët ose që kanë krijuar përfitime me një nga personat e ekspozuar politikisht, pra njerëzit e tenderave dhe koncesioneve.

Ndryshimet ligjore zgjerojnë dhe detajojnë të huajit që do të janë në rrethin e personave të ekspozuar.

Kategoritë e ekspozuara politikisht për pastrim parash

Anëtarët e kryesisë, këshillave dhe asambleve të partive politike

Biznesmenët me lidhje interesa me pushtetarët

Çdo person që ka përftuar nga një person i ekspozuar politikisht

Anëtarët e bordeve të bankave qendrore

Të ngarkuarit me punë në ambasada

Anëtarët e bordeve të ndërmarrjeve shtetërore

Çdo përfaqësues i organizatave ndërkombëtare

Të huaj që kanë pasur pozicione të rëndësishme në vendet e tyre

Çdo i huaj që vjen nga vendet me risk

Për paqësuesit e SPAK dhe gjykata speciale

Kreu dhe anëtarët e Byrosë Kombëtare të Hetimit

Anëtarët e KLGJ dhe KLP

Anëtarët e Komisionit të Pavarur të Kualifikimit

Anëtarë e Kolegjit të Posaçëm të Apelimit

Presidenti, kryeministri, zv/kryeministri, ministrat

Deputetët, zëvendësministrat

Kryetarët e bashkive

Gjyqtarët dhe prokurorët të gjitha shkallëve

Drejtuesit e zyrave përmbarimore

Kreu i KLSH, Avokati i Popullit

Anëtarët e KQZ

Inspektori i Lartë i Drejtësisë bashkë me inspektorët e tjerë

Drejtorët e niveli të lartë dhe të mesëm

Kreu i ILDKP

Prefektët dhe kryetarët e këshillave të qarqeve

Kreu i SHISH

Komandantët e Forcave të Armatosura

Drejtuesit e institucioneve të pavarura publike

Anëtarët e enteve rregullatore;

Drejtori dhe Zëvendësdrejtori i Policisë së Shtetit

Drejtorët e përgjithshëm të Policisë së Shtetit,

Drejtori, zëvendësdrejtori dhe drejtorët e drejtorive të Tatimeve

Drejtori, zëvendësdrejtori dhe drejtorët e drejtorive të Doganave

Drejtori dhe drejtorët e drejtorive të në Drejtorinë e Parandalimit të Pastrimit të Parave

Drejtuesit e të gjitha niveleve të strukturave të kthimit e kompensimit të pronave,

Drejtuesit e të gjitha niveleve të strukturave të privatizimit dhe regjistrimit të pasurisë,

Zyrtarët, që emërohen nga Kuvendi, Presidenti i Republikës, Kryeministri, ministrat

Guvernatori i Bankës së Shqipërisë.

Zëvendësguvernatori i BSH dhe anëtarët e Këshillit Mbikëqyrës të saj.

Administratorët e shoqërive me më shumë se 50 punëtorë ku shteti ka mbi 50 për qind.

Kandidatët për gjyqtarë dhe prokuror të çdo niveli

Kandidatët për hetues të BKH

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hahaha: 02/10/2021 09:12

    Po shoket e zevendesministrit qe i ka per te mcefur leket do i hetoni?

    Përgjigju
  • Ooyuy: 02/10/2021 07:11

    Do u hani karin

    Përgjigju
    • Trnakop Kacija: 02/10/2021 11:21

      Me gjithe KOQE.

  • Sondazhi i ditës:

    A duhet të vendosen kufizime për personat e pavaksinuar?



×

Lajmi i fundit

John

Dita ndërkombëtare kundër korrupsionit, Basha: Koha për një angazhim të të gjithë shoqërisë për pastrimin e politikës dhe përballjen me korrupsionin