Lista me ish-të përndjekurit 1147 emrat që u bllokohet dosja
Ministria e Financave ka publikuar emrat e 1147 trashëgimtarëve (të parë dhe të dytë) të ish të përndjekurve të cilët u është miratuar përfitimi i dëmshpërblimit por që nuk kanë tërhequr këstin e parë.
TIRANE- Ministria e Financave ka publikuar emrat e 1147 trashëgimtarëve (të parë dhe të dytë) të ish të përndjekurve të cilët u është miratuar përfitimi i dëmshpërblimit por që nuk kanë tërhequr këstin e parë. Sipas të dhënave të Drejtorisë së Pagesave dhe Dëmshpërblimeve pranë kësaj Ministrie, trashëgimtarët në fjalë nuk mund t’i tërheqin ende shumat e këstit të parë të dëmshpërblimit, kryesisht për shkak të mungesave në dokumentacionin e nevojshëm. Boshllëqet në dokumentacionin e kërkuar mund të nisin nga mungesa e dokumentit të identifikimit, te mungesa e llogarisë bankare për derdhjen e shuma, apo te certifikatat personale e familjare.