Trajneri i kombëtares shqiptare të futbollit, Sylvinho ka bërë publike listën me 26 lojtarët e grumbulluar për dy miqësoret e muajit mars. Kuqezinjtë luajnë më 22 mars në Parma me Kilin dhe tre ditë më vonë përballen në Stockholm me Suedinë.
Bie në sy se pas afro një viti me ekipin bashkohet Armando Broja, sulmuesi i Chelsea që luan si i huazuar te Fulham. Rikthim edhe për Rey Manaj, që me 19 golat e tij këtë sezon për Sivasspor në Turqi ka bërë që ftesa të jetë e merituar. Lushnjari prezencën e fundit me Kombëtaren e ka në shtator të 2021, kur edhe shënoi në fitoren 5-0 me San Marinon. Sulmuesi ka 'shpërthyer' me golat e tij në Turqi, aktualisht në kuotën e 19 golave sezonalë, 15 prej të cilëve në kampionat.
Rikthim edhe për Marash Kumbullën, lojtarin e Romës që luan në huazim te Sassuolo dhe që ka lënë pas dëmtimin. Pas shumë kohësh rikthehet Naser Aliji, mbrojtësi i majtë që bën pjesë në radhët e Voluntari në Rumani. Edhe Jon Mersinaj i Lokomotivës së Zagrebit bashkohet sërish me ekipin.
Risi në këtë grumbullim është sulmuesi anësor i Dinamos së Zagrebit, Arbër Hoxha. 25-vjeçari shënoi në Conference League të enjte, ndërkohë që ka qenë në tre ndeshje pjesë e Kosovës. Të sakrifikuar janë Arbnor Muja dhe Mirlind Daku.
Këto miqësore vijnë në kuadër të përgatitjeve për Euro 2024, aty ku Shqipëria do përballet me Italinë, Spanjën dhe Kroacinë në grupin B.
Ndeshjet e Kombëtares shqiptare në Euro 2024:
Grupi B
Itali - Shqipëri, 15 qershor 2024 21:00 (Dortmund)
Kroaci - Shqipëri 19 qershor 2024 15:00 (Hamburg)
Shqipëri - Spanjë 24 qershor 2024 21:00 (Dusseldorf)
Lista e lojtarëve
Sylvinho publikoi emrat për dy miqësoret e marsit kundër Kilit dhe Suedisë. Braziliani i stolit ka pasur një punë të vështirë për sulmin, ku duket një mbingarkesë në këtë repart.
Vlen për t'u përmendur se jashtë kanë mbetur Arbnor Muja dhe Mirlind Daku. Muja është pjesë e Samsunspor në Turqi, me 25-vjeçarin që në merkaton e dimrit la Antwerpin në Belgjikë. Ndërkohë Daku bën pjesë te Rubin Kazan në Rusi.
Lajme të tjera
-
Legjionarët/ Asllani realizon supergol me Interin në Kupën e Italisë, Mitaj gjen rrugën e rrjetës në ndeshjen miqësore
23 Dhjetor, 11:59 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Dhunë në futbollin e femrave, Disiplina pezullon 15 ndeshje drejtoreshën e Gramshit, goditi lojtaret e Partizanit
19 Dhjetor, 18:11 -
'Klanet, korrupsioni dhe arroganca e organizatorëve!', Barrikada FC tërhiqet nga çdo garë e FSHF dhe Sunday League Albania
18 Dhjetor, 14:52 -
Votat e Shqipërisë për 'The Best'! Sylvinho zgjedh brazilianin e Realit, Gjimshiti nderon legjendën e Gjermanisë
18 Dhjetor, 11:52 -
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
E konfirmojnë në Itali, Juventusi futet në garë për Cristian Shpendin! Vëzhgues në disa ndeshje
16 Dhjetor, 17:02 -
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20
