Chelsea dhe arbitri kanë fundosur Milanin në ndeshjen e katërt të fazës së grupeve. Në ‘San Siro’ supersfida e mbrëmjes përfundoi 0-2, pasi u kushtëzua nga një karton i kuq i Tomorit në minutën e 18 dhe për më tepër penalltia e shkaktuar u kthye në gol nga Jorginho. Ndëshkimi i dyfishtë shkaktoi irritim në kampin italian dhe për rrjedhojë para fundit të pjesës së parë pësuan edhe golin e dytë të realizuar nga Aubameyang.
Me këtë humbje Milan rrezikon jo pak, pasi renditet në vendin e tretë me 4 pikë, po aq sa Dinamo Zagreb e vendit të fundit, por me pikë të barbarta. Grupin E e udhëheq Chelsea me 7 pikë, ndërsa Salzburg që barazoi 1-1 në Kroaci renditet i dyti me 6 pikë.
Ndërkohë befasia më e madhe erdhi nga Izraeli atje ku Macabbi mposhti 2-0 Juventusin. ‘Zonjës’ i duhej me patjetër fitorja, por pësoi një disfatë që pothuajse e eliminon që në fazën e grupeve, por matematika e mban në lojë. Të dy skuadrat kanë nga 3 pikë, ndërsa grupin e udhëheq Paris me 8 pikë, po aq sa Benfica, pasi të dy skuadrat ashtu si një javë më parë barazuan 1-1.
Sakaq Real Madrid mori një barazim 1-1 në limite me Shakhtar Donetsk në Poloni, por goli i realizuar nga Rudiger në minutën e 95 i shkaktoi disa të qepura në kokë gjermanit. Ndeshja tjetër e grupit F mes Celtic dhe Leipzig u fitua 0-2 nga ekipi i Bundesligës që u ngjit në vendin e dytë me 6 pikë, 4 më pak se Reali.
Në grupin G Manchester City barazoi pa gola në Danimarkë me Copenhagen në një ndeshje të luajtur për 60 minuta me një lojtar më pak, ndërsa Dortmund dhe Sevillia ndanë gjithashtu pikët, por me rezultatin 1-1.
18:45
Copenhagen 0 - 0 Manchester City
Maccabi 2 - 0 Juventus
21:00
Celtic 0 - 2 Leipzig (Werner 75', Forsberg 84')
D. Zagreb 1 - 1 Salzburg (Ljubicic 40' / Seiwald 12')
Dortmund 1 - 1 Sevilla (Bellingham 35' / Nianzou 18')
PSG 1 - 1 Benfica (Mbappe 39' / Joao Mario 62')
Shakhtar Donetsk 1 - 1 Real Madrid (Zubkov 46' / Rudiger 95' )
Milan 0 - 2 Chelsea ( Jorginho 21' (p), Aubameyang 34')
34' Aubameyang dërgon shifrat në 0-2. Aksion model nga Chelsea.
21' Jorginho shënon për Chelsea nga penalltia. Pas faullit të Tomori, arbitri nxjerr karton të kuq për mbrojtësin e Milan dhe akordon 11 metërsh.
PSG dhe Benfica edhe në Paris u ndanë në një barazim 1-1 dhe bashkëkryesojnë grupin H me nga 8 pikë. Shumë pranë kualifikimit të dyja ekipet. Mbrëmë në Park de Princ u shënua vetëm me penallti ku fillimisht Mbappe kaloi francezët në avantazh e më pas Joao Mario barazoi për portugezët.
Juventusi fundoset në Izrael dhe vetëm një mrekulli mund të bëjë që bardhezinjtë të kalojnë në 1/8 e Champions League. Maccabi Haifa e mposhti Juventusin 2-0 me dygolësh të Omer Atzili shënuar që në pjesën e parë. Trajneri Allegri as që e mendon dorëheqjen ndërsa presidentit Andrea Agnellit i vjen turp pas ketij rezultati.
Vendin e dytë në grupin G e mban Dortmundi që mbrëmë barazoi 1-1 ndaj Sevillas në Gjermani. Golat u shënuan që në pjesën e parë ku fillimisht kaluan në avantazh spanjollët e më pas barazoi Bellingham për verdhezinjtë. Me 7 pikë Dortmund hipotekon kualifikimin për më tej ndërsa Sevilla me vetëm dy pikë do luftojë për vendin e tretë që të dërgon në Europa League.
Manchester City nuk shkoi me shumë se një barazim pa gola ndaj Kopenhagen në transfertë por kaq mjaftoi për të siguruar kualifikimin për në fazën me eliminim direkt të Champions League. Djemtë e Guardiolës kryesojnë grupin G me 10 pike pas katër ndeshjesh.
Gjermanët e Lajpcig e mposhtën Celtic edhe në Skoci. Me 6 pikë mbajnë vendin e dytë në grupin F dhe kanë shanse të mira kualifikimi. Golat e Verner dhe Forsberg vendosën shifrat 2-0 të kësaj sfide.
Kualifikim me gjak për Real Madrid. Kampionët në fuqi të Champions League barazuan në minutën e 95-të në Poloni ndaj Shakhtar Donetsk dhe kalojnë në fazën e 1/8. Ukrainasit kishin marrë avantazhin me Zubkov ndërsa Rudiger barazoi në 1-1 në frymën e fundit. 10 pikë për Real Madrid që kryeson grupin F.
Ndeshja tjetër e grupit E, e luajtur në Zagreb mes Dinamos vendase e Salzburg ishte fotokopje e asaj luajtur një javë më parë në Austri. Sfida u mbyll në barazim 1-1 me skuadrat që marrin nga një pikë ku Salzburg mban vendin e dytë në grup me 6 pikë një më pak se Chelsea.
Chelsea dhe arbitri fundosin Milanin në Champions. Blutë e Londrës pasi e mposhtën Milanin 3-0 një javë më parë në “Stamford Bridge mbrëmë fituan edhe në San Siro këtë herë 2-0. Episodi që duket sikur vendosi gjithcka ishte minuta e 18-të. Tomori i kuqezinjve pengon në zonë Mount dhe arbitri gjerman jep penallti e karton të kuq per futbollistin e kampioneve te Italise.. Jorginho e kthen në gol gjuajtjen nga 11 metrat dhe më pas po brenda pjesës së parë shënon edhe Aubameynag. Chelsea merr kryesimin e grupit E me 7 pike ndërsa Milani e vështirëson shumë situatën.
Lajme të tjera
-
Milan i dërrmuar nga eliminimi, tifozët i kërkojnë llogari futbollistëve! Ultimatum për derbin, trajneri Pioli i ikur
19 Prill, 10:18 -
Europa League/ Milani hija e vetes, Roma e mund 2-1 dhe e eliminon! Atalanta largon Liverpoolin, në gjysmëfinale dhe Leverkusen
18 Prill, 23:03 -
Lunin, heroi i Real Madrid në 'Etihad'! Portieri i hap telashe Ancelottit
18 Prill, 22:09 -
E konfirmon eksperti i merkatos, Armando Broja largohet nga Chelsea! Mbetet në Premier League
18 Prill, 19:09 -
Real Madridi, një metaforë për atë që duket problemi më i madh i Erling Haaland
18 Prill, 17:17 -
Skenari/ Serie A dhe Bundesliga me 6 ekipe në Champions League
18 Prill, 16:04 -
Europa League/ Sonte çerekfinalet e kthimit, de Rossi: Për Milanin jetë a vdekje! Atalanta-Liverpool, Kloop: Duam të shënojmë sa më shumë
18 Prill, 13:29 -
VIDEO GOLAT/ Eliminoi Cityn, Ancelotti: Tani fitojmë Championsin! Asnjë angleze e italianë në 4 më të mirat e Europës, mësohen data dhe oraret e gjysmëfinaleve
18 Prill, 11:22 -
GOLAT/ 120 minuta dhe 10 penallti, Real Madrid kalon Man. Cityn dhe gjen Bayern Munich në gjysmëfinalet e Champions! Bavarezët i falen Kimmich duke larguar Arsenalin
17 Prill, 23:47 -
Europa League/ De Rossi i frikësohet Milanit: Për ta është mjeti i fundit
17 Prill, 21:30 -
Xavi: Arbitri një fatkeqësi! Ter Stegen kundër trajnerit: Ishte karton i kuq
17 Prill, 17:07 -
Triumfi me Barcelonën, Al-Khelaifi: Magjike, t'i shkojmë Championsit deri në fund
17 Prill, 16:48
