Lleshaj dekoron me 'Medalje Nderi' 19 punonjës të Policisë së Shtetit: Tërmeti na bëri të kuptojmë qytetarinë dhe trimërinë e tyre

TIRANE- Ministri i Brendshëm Sandër Lleshaj ka dekoruar me "Medalje Nderi", 19 punonjës të Policisë së Shtetit, pas kontributit të tyre gjatë periudhës së vështirë që kaloi vendi pas tërmetit të 26 nëntorit. Gjatë fjalës së tij, Lleshaj tha se tërmeti na bërë të kuptojmë se me çfarë niveli kemi të bëjmë në Policinë e Shtetit, teksa solli në vëmendje edhe situata të tjera të vështira të kaluara nga ky institucion përgjatë gjithë vitit 2019.

Kjo-tha Leshaj- është një arsye më shumë që qeveria shqiptare t'i kushtojë një rëndësi më të madhe sigurisë në tërësi dhe policisë në veçanti, ndërsa premtoi se do punohet për të ndërtuar një qendër të ngjashme me atë të hapur për RENEA-n dy ditë më parë, edhe për Forcat e Ndërhyrjes së Shpejtë.

"Para pak ditësh, ju patë RENEA-n. Do punojmë për të filluar punën e konceptimit dhe planifikimit të një qendre të tillë të ngjashme, edhe për Forcat e Ndërhyrjes së Shpejtë. Do të punohet për kampusin e ri të Policisë së Shtetit, i cili do t’i japë Policisë së Shtetit një infrastrukturë krejtësisht të re, të panjohur më parë në kuptimin e standardeve", tha Lleshaj.

LEXO EDHE:
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat

Fjala e plotë e ministrit Sandër Lleshaj

Janë thënë shumë fjalë për performancën dhe angazhimin e punonjësve të Policisë së Shtetit, nga niveli më i ulët, te niveli më i lartë, nga periferia në qendër. Gjatë vitit 2019 e më parë, por për vitin 2019, që unë e kam konsideruar vërtet si një vit tektonik në të gjitha planet, me tektonika të shumta, jo vetëm ato fiziket, por dhe në fushën e politikës e në fusha të tjera, Policia e Shtetit është sfiduar dhe është vënë përballë barrëve të mëdha dhe provave të mëdha. Dhe këtu ka patur angazhim, ka patur performancë. Tërmeti është vetëm njëri prej tyre, që na dha të kuptojmë se me kë kemi të bëjmë, pra me çfarë niveli angazhimi, profesionalizmi, qytetarie, trimërie kemi të bëjmë me Policinë e Shtetit dhe struktura e tjera, por meqenëse jemi për Policinë e Shtetit. Në të njëjtën kohë, edhe gjithë viti 2019 na ka ballafaquar me shembuj të jashtëzakonshëm angazhimi të punonjësve të Policisë së Shtetit.

Qeveria shqiptare është plotësisht e qartë për rëndësinë që duhet t’i kushtohet sigurisë në tërësi, policisë në veçanti, është mjaft e motivuar. Para pak ditësh, ju patë RENEA-n. Do punojmë për të filluar punën e konceptimit dhe planifikimit të një qendre të tillë të ngjashme, edhe për Forcat e Ndërhyrjes së Shpejtë. Do të punohet për kampusin e ri të Policisë së Shtetit, i cili do t’i japë Policisë së Shtetit një infrastrukturë krejtësisht të re, të panjohur më parë në kuptimin e standardeve.

TAG:
• policia e shtetit
• Sander Lleshaj
• termet me viktima ne Shqiperi

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1534

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq