'Nuk lejuam skenarë apokaliptikë'/ Lleshaj me delegacionin e Venecias: Përpjekjet e dhunshme të opozitës u frenuan!

'Nuk lejuam skenarë apokaliptikë'/ Lleshaj me delegacionin e Venecias: Përpjekjet e dhunshme të opozitës u frenuan!

Sandër Lleshaj

1563187716_lleshaj88.jpg

Ministri i Brendshëm Sandër Lleshaj është takuar me delegacionin e Venecias i cili ndodhet për një vizitë dy ditore në Shqipëri gjatë të cilës pritet të përgatisë një opinion lidhur me komisionin e ngritur për hetimin e kreut të Shtetit. Pas takimit Lleshaj ka deklaruar se i ka shprehur komisionit vlerësimet lidhur me zhvillimet politike të këtij viti, i cili siç thotë ai ka qenë i ngarkuar me ngjarje ta pazakonta, duke kulmuar në përpjekjet e opozitës për të cenuar të drejtën e zgjedhjeve demokratike në vend.

"Sot pata nderin dhe përgjegjësinë për të shprehur përpara një delegacioni të Komisionit të Venecias, vlerësimet e mia lidhur me zhvillimet politike të këtij viti të ngarkuar me ngjarje të pazakonta, që kulmuan me përpjekjet e shumëfishta për të cenuar të drejtën e zgjedhjeve demokratike në vend.

Theksova se përpjekjet e dhunshme për destabilizim, nuk arritën të shndërrohen në ndonjë kërcënim serioz për sigurinë e vendit, falë pjekurisë së qytetarëve shqiptarë, që nuk u bënë pjesë e skenarëve të dhunës dhe e profesionalizmit të Policisë së Shtetit dhe strukturave të tjera ligjzbatuese.

Ishin pikërisht këta faktorë, të cilët mundësuan që zgjedhjet vendore të zhvilloheshin rregullisht dhe që skenarët apokaliptikë, të imagjinuar apo të dëshiruar, nuk u bënë realitet dhe që Shqipëria të mos binte në një qerthull të rrezikshëm destabiliteti. Takimi me përfaqësuesit e Komisionit të Venecias ishte mjaft profesional dhe me shumë përmbajtje", thotë Lleshaj.


Lajmi kryesor:

Komisioni për shkarkimin, 'Venecia' takon Metën, Ruçin, Ballën e opozitën, Presidenti: Po t'u kishim dëgjuar, s'do ishim këtu


  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares



×

Lajmi i fundit

Moska sanksionon mediat perëndimore! Bllokon faqet e internetit të Rai, La7, Repubblica dhe Stampa

Moska sanksionon mediat perëndimore! Bllokon faqet e internetit të Rai, La7, Repubblica dhe Stampa