TIRANE- Dosja e lobimit Rus, ka përçarë grupin e hetimit në prokurorinë e Tiranës, pasi tre prokurorët Gjergji Tako, Ervin Karanxha dhe Kol Hysenaj, kanë mbajtur qëndrime të kundërta për sa i përket përfundimit të hetimeve. Tre prokurorët janë bërë grup hetimor, pas një vendimi të drejtueses së prokurorisë së Tiranës Elisabeta Imeraj, e cila urdhëronte nisjen e hetimeve dhe përshpejtimin e tyre për rastin e kontratës 675 mijë dollarë që PD kishte lidhur me një kompani amerikane për lobim. Hetimet janë kryer nga tre prokurorët e mësipërm, por në konkluzionet përfundimtare treshja e prokurorëve është ndarë, duke mos mbajtur qëndrim të njëjtë.
Prokurori Kol Hysenaj ka qenë kundër dërgimit të dosjes në gjykatë, duke menduar që të bëhej dhe një analizim i plotë i provave dhe më pas të konkludohej me një vendim të përbashkët me drejtuesen e prokurorisë Imeraj për dërgim ose jo të dosjes në gjykatë me të pandehur Lulzim Basha, Arben Ristani dhe Ilir Dervishi. Por dy prokurorët e tjerë Gjergji Tako dhe Ervin Karanxha kanë vendosur me shumicë votash që dosja të kalonte për gjykim pasi prej qershorit 2019 në dosje nuk ishte kryer asnjë veprim hetimore dhe për më tepër që ka dhe afate hetimore procedimi penal. Me shumicë votash tre zyrtarët e lartë të PD janë dërguar në gjykatë si të pandehur. Ky vendim është firmosur nga dy prokurorët Karanxha dhe Tako.
Ndërkohë Elisabeta Imeraj në cilësinë e drejtueses së prokurorisë ende nuk ka firmosur. Dosja ndodhet në fazën e procesit të qepjes dhe më pas dërgimit të saj me postë sekrete në gjykatën e Tiranës. Ditën kur është marrë ky vendim, për dërgimin e dosjes në gjykatë Elisabeta Imeraj ndodhej e shtruar në spital, për shkak të problemeve me shëndetin. E kontaktuar në telefon zonja Imeraj tha për “Shqiptarja.com” se ende nuk është njohur me vendimin e dy prokurorëve por të hënën do ketë një vendim të sajin për këtë dosje. Imeraj shtoi se nuk ka qënë në detyrë gjatë kësaj jave, por kishte deleguar për të firmosur në cilësinë e drejtueses së prokurorisë prokuroren Marjera Zaimi. Edhe kjo e fundit rezulton se nuk ka firmosur asnjë shkresë për dërgimin e dosjes në gjykatë. Pavarësisht kësaj me ndryshimet kushtetuese të vitit 2017, prokurori cilësohet i pavarur në vendimarjen e tij duke ee bërë zot të dosjes që ai ka në hetim.
Lajme të tjera
-
21 Janari/ Tahiri paditi Bashën në 2015, Shqiptarja.com publikoi dokumentin e falsifikuar pas urdhërit të Bashës! Si u korrigjua regjistri i Gardës
1 Nëntor, 11:10 -
“Amnistia penale ndikoi negativisht te SPAK dhe GJKKO”, Basha: Progres-raporti i BE dëshmoi se bashkimi i votave mes Ramës e Berishës cenoi luftën ndaj korrupsionit
30 Tetor, 16:28 -
Basha akuza kryeministrit: Rama flet si drejtor azili, po përçan qytetarët me sipërmarrësit! Nuk fsheh dot dështimet, pensionistët meritojnë më shumë!
30 Tetor, 15:40 -
Pensionet/ Rama akuza të forta prokurorisë së Tiranës: Prej vitesh prokurorët mbulojnë me trupat e tyre dosje ulëritëse të evazionit fiskal
30 Tetor, 15:02
-
‘Aleanca kundër SPAK’, Basha: Pasi amnistuan ‘bishtat’ e korrupsionit, tani po përgatiten të amnistojnë ‘kokat’ e pandëshkuara të 34 viteve
28 Tetor, 16:32 -
Takimi me shqiptarët në New York, Basha: Rama sot u kthye te ‘vendi i krimit’, aty ku korruptoi Charles McGonigal! Berisha: Duhet të pritet me protesta
26 Tetor, 22:17 -
Audioregjistrimi i 21 janarit, SPAK dërgon në laborator kasetën! Do të bëhet ekspertimi për autenticitetin dhe identifikimi shkencërisht i zërave
26 Tetor, 10:47
-
'Qeveria e ka kthyer Shqipërinë në vendin më të varfër në Europë', Basha: Programi ynë lufton korrupsionin
25 Tetor, 22:44 -
Basha vijon takimet me zyrtarë në Britaninë e Madhe: Dosjet e SPAK faktojnë lidhjen e qeverisë me krimin
24 Tetor, 14:48 -
Basha takim me Lord Richard në Britani: Diskutime për luftën kundër korrupsionit, ndarjen e politikës nga krimi dhe anëtarësimi i Kosovës në KiE
24 Tetor, 11:35 -
Prokuroria dërgon në gjyq të shumëkërkuarin Fatjon Murati: Nuk justifikon pasuritë, i vuri nga trafiku i drogës! Të fshehura në emër të nënës e vëllezërve
24 Tetor, 10:55 -
Basha takon Martin Vickers në Parlamentin Britanik: Diskutuam për përpjekjet e SPAK-ut në luftën kundër korrupsionit! Sfidë, ndarja e politikës nga krimi
23 Tetor, 19:01
