POP 5

Lajmet më të lexuara të 5 minutave të fundit

Opinion

Loja e dyfishtë Berisha-Meta, SHBA dhe ‘kurthi’ për mbijetesë politike

Protesta e ditës së enjte e Sali Berishës e arriti ‘qëllimin’ për të cilin ishte thirrur me urgjencë në pikë të vapës dhe të sezonit turistik. Lideri historik i PD tregoi në këtë ‘provë force’ për të gjithë kundërshtarët e tij brenda PD se tashmë e ka uzurpuar këtë parti në masën 100 përqind

Loja e dyfishtë Berisha-Meta, SHBA dhe ‘kurthi’ për mbijetesë politike

Ilir Meta dhe Sali Berisha

Protesta e ditës së enjte e Sali Berishës e arriti ‘qëllimin’ për të cilin ishte thirrur me urgjencë në pikë të vapës dhe të sezonit turistik. Lideri historik i PD tregoi në këtë ‘provë force’ për të gjithë kundërshtarët e tij brenda PD se tashmë e ka uzurpuar këtë parti në masën 100 përqind.

Berisha i dërgoi mesazhet e tij të koduara aty mendonte se duhet. I kujtoi Lulzim Bashës, “birit” të tij politik që tashmë konsiderohet një “bukëshkalë” dhe “besë-prerë” se protestat organizohen dhe në muajt e verës, kur njerëzit shkojnë në plazhe, dhe nuk është e nevojshme që dhe opozita të marrë pushimet dhe të presë mesin e shtatorit për t’u bërë e gjallë.

Ka qënë një mesazh i drejtëpërdrejtë për Bashën, të cilin e akuzuan derisa e dëbuan nga drejtimi i PD se është një fenomen i punëve të pakryera e të pa çuara deri në fund, një dembel funksional, që gjithçka ishte mësuar ta marrë “qyl”. Por dhe se është një bashkëpunëtor i Edi Ramës.

Madje me mendjen e tij Berisha i dërgoi një mesazh të koduar dhe ambasadores së SHBA Yuri Kim, si për t’i treguar se ka mbështetur njeriun e gabuar në PD. Apo njerëzit e gabuar, sepse bashkë me Bashën, munguan në protestën e djeshme të opozitës, edhe kryetari i komanduar i PD Enkelejd Alibeaj, bashkë me ish sekretarin e përgjithshëm Gazment Bardhi. Ndonëse Berisha i kishte kërcënuar përmes “këshillës” disa ditë para 7 korrikut, se nuk duhej të vinin në protestën e demokratëve, pasi konsiderohen si një patericë e Ramës dhe militantët mund të keqkuptoheshin.

Nuk përjashtohej ndonjë incident me Bashën, Alibeajn e Bardhin që mund të viheshin përballë turmës së “revoltuar” të ithtarëve të Berishës dhe kjo u pa dhe me qëndrimin që mbajtën ndaj deputetëve kritikë tëliderit historik të PD, të cilët kishin zënë qoshet e protestës me një këmbë jashtë dhe një këmbë brenda saj, të gatshëm për t’u larguar në përplasjen më të parë. Janë të ilustruara me foto dhe janë botuar në mediat shqiptare, sidomos online, këto pamje.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46