Terror në Londër: dy të vdekur në London Bridge, policia vret terroristin e armatosur me thikë
Policia qëlloi për vdekje 28-vjeçarin Usman Khan, i cili mbante gjithashtu një rrip eksploziv të rremë. Policia: Një burrë dhe një grua të vrarë dhe tre të plagosur.
Një sulm terrorist ka ndodhur në urën Londrës, në zemër të kryeqytetit. Një burrë sulmoi disa persona me thikë. Pastaj ai u rrethua nga disa kalimtarë njëri prej të cilëve u përball me të. Policia goditi me armë ndaj agresorit duke e lënë të vdekur në vend.
![](https://shqiptarja.com/template/img/NO_ALFA_Kuadrate shqiptarja.png)
Agresori është 28-vjeçari Usman Khan, i dënuar në vitin 2012 për terrorizëm. Ai kishte veshur një rrip eksploziv që më vonë u vërtetua se ishte një fallco. Khan, i cili ishte liruar nga burgu në vitin 2018 me kusht, duket se ka qënë i lidhur me grupin islamik al-Muhajiroun, (i udhëhequr nga imami radikal Anjem Choudary i dënuar për terrorizëm në vitin 2016), i konsideruar ndër më të rrezikshmit në Mbretërinë e Bashkuar.
"Për momentin asnjë person tjetër nuk po kërkohet në lidhje me sulmin," -tha policia, duke shtuar se "dy persona, një burrë dhe një grua, u vranë gjatë sulmit dhe tre të tjerë, një burrë dhe dy gra, u plagosën dhe janë në spital”.
Sipas disa mediave britanike, ai kishte të ‘veshur’ edhe një byzylyk elektronik në kyçin e këmbës.
Një dëshmitar okular, Kirsten Jones, i tha BBC-së se sulmuesi mbante një lloj rripi eksploziv.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)