Gjykata Kushtetuese shqyrton sot çështjen e shkarkimit nga detyra të Presidentit Ilir Meta pas vendimit të Parlamentit të legjislaturës së kaluar, që miratoi me 104 vota shkarkimin e tij.
Por për analistin Lorenc Vangjeli, seanca në fjalë nuk do të prodhojë gjë tjetër vetëm fjalën ‘procedurë’. Për emisionin Kontrast në Report TV ai paralajmëroi se pikërisht kjo procedurë nis nga fakti që presidenti ka paditur një anëtare të Gjykatës Kushtetuese. Nga ana tjetër, Vangjeli tha se Edi Rama është njeriu më i painteresuar për shkarkimin e presidentit dhe se ky i fundit është dy herë më i mirë për Ramën.
“Një drejtësi e kapur është fatkeqësi për të gjithë vendin. Një drejtësi e paaftë është gjithashtu fatkeqësi, por që edhe mund të zgjidhet. Momenti kur ka edhe një mision politik, kjo është gjëja më e rëndë që mund të ndodhë.
Ne ende e krahasojmë produktin e reformës në drejtësi me atë që kishim projektuar me shpresat tona. Më 1 shkurt është një ditë vërtetë e rëndësishme për sistemin e drejtësisë dhe Gjykatën Kushtetuese. Fjala kryesore do të jetë sërish ‘procedurë’ dhe sipas procedurës unë mund t’ju paralajmëroj se ka të bëj me faktin që Presidenti i Republikës ka kërkuar procedim disiplinor për njërin prej anëtarëve të trupës, zonjën Fjona Papajorgji. Sipas Kushtetutës ky procedim bëhet në KPA. Por vetë KPA-ja ka precedent të mëparshëm ku ajo kërkon që para se ajo vetë të thotë fjalën e saj, vetë trupa e Gjykatës Kushtetuese duhet të marrë një vendim. Pra për zonjën Papajorgji fillimisht duhet të shprehen vetë kolegët e saj. Nesër fillon ‘procedura’…
Edi Rama ka pasur dy herë të drejtë kur ka folur për Ilir Metën si president. Kur ka thënë që ‘është presidenti më i mirë për opozitën’ dhe sot kur thotë se ‘mund të jetë presidenti më i mirë për Partinë Socialiste’. Vazhdon të jetë Edi Rama njësoj si më parë të iniciojë procedurën për shkarkimin e zotit Ilir Meta. Por që atëherë e gjer tani është shqiptari më i painteresuar që kjo procedurë të shkojë gjer në fund. Dhe mbi të gjitha për të kuptuar diçka që është mbi Ilir Metën: Idea se është shkelur Kushtetuta por kjo shkelje nuk është e rëndë, precedent që mund të shkarkohet një president përtej asaj që ofron ligji, do të ishte sot e mot shpata e Demokleut mbi një institucion të zgjedhur nga një shumicë kushtetuese dhe i cili do të ishte gjithë kohës i fustruar nga idea e asaj që do të ndodhte” – tha Lorenc Vangjeli.
Lajme të tjera
-
Gjykata Kushtetuese rrëzon familjarët e ish-zv/kryeministrit Ahmetaj, nuk kthehen pronat e sekuestruara! Zbardhet VENDIMI
25 Dhjetor, 20:20 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
'Bie' Holta Zaçaj, kolegët në Kushtetuese votojnë që mandati t'i përfundojë më 10 mars 2025
23 Dhjetor, 16:04 -
Mali i Zi, opozita bojkoton Parlamentin për shkak të Gjykatës Kushtetuese
22 Dhjetor, 08:07 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Ripërtëritja e Kushtetueses/ Syri kërcënon anëtarët e Gjykatës: Burg nëse ndërprisni mandatin e gruas së Andi Bejtjes, shefit të lajmeve te Syri Tv
17 Dhjetor, 16:47
