POP 5

Lajmet më të lexuara të 5 minutave të fundit

Ekonomi

Lotaria, 11 herë
më lirë se në Maltë

Qeveria shqiptare është treguar tepër dorëlëshuar me barrën fiskale që ka paracaktuar për subjektin fitues të licensës së lotarisë kombëtare.
Lotaria, 11 herë <br />më lirë se në Maltë
Qeveria shqiptare është treguar tepër dorëlëshuar me barrën fiskale që ka paracaktuar për subjektin fitues të licensës së lotarisë kombëtare. Krahasimi i normës së fitimit, të parashikuar që do të merret nga kompania fituese e licensës monopol, me vende të tjera nxjerr në pah për një hendek të konsiderueshëm, që përforcon dyshimet për veprime korruptive nga qeveria Berisha.
Malta është një vend që ka 7 herë më pak banorë se sa Shqipëria, por pagesa që kërkon shteti aty për të pretedentët për të fituar të drejtën e lotarisë kombëtare është 11 herë më e lartë se ajo që kërkon qeveria jonë. Kjo del nga statistikat zyrtare të shtetit-ishull, më të voglit anëtar në bashkimin Evropian. Rekordin ndër vendet e rajonit në këtë drejtim, me sa duket, e ka shënuar Turqia, ku fituesit i është kërkuar pagesa prej 2 miliardë eurosh, vetëm që të marrë të drejtën për të administruar lotarinë kombëtare, monopol i shtetit. Nga ana e saj, Greqia këtë çmim e përcaktoi dhjetë vjet më parë në 400 milionë euro. Përballë këtyre shifrave, pagesa e kërkuar nga shteti shqiptar, prej vetëm 3.5 milionë eurosh, nuk mund të mos duket qesharake, edhe përballë 39 milionëve të Maltës, apo 600 milionëve të Irlandës, vend me 4.4 milionë banorë.
Pak ditë më parë, grupimi i biznesit Konfindustria deklaroi se është e papranueshme që të ardhurat e siguruara nga biznesi i lojrave të fatit në emër të shtetit si lotaria kombëtare, që nuk sjell asnjë zhvillim ekonomik për vendin dhe nuk prodhon as të mira materiale dhe as shërbime të mirëfillta për qytetarët, por thjesht sigurojnë fitime në thelb spekulative, të lejohen të dalin jashtë arkës publike qoftë edhe pjesërisht. Aq më shumë është e papranueshme nëse këto të ardhura do të dalin jashtë vendit sikurse do të ndodhë nëse operatori, që do ta menaxhojë atë do të jetë i huaj. Mendimi i biznesmenëve ishte që ky monopol duhet të administrohet vetëm nga shteti dhe jo nga privati.
Kjo lidhet edhe me faktin që barra fiskale që do t'i njihet fituesit do të jetë shumë më e ulët se në vende të tjera. Gjithnjë sipas statistikave zyrtare, në Austri, nga ku vjen edhe pretedentja kryesore për licensën, qytetarët marrin mbrapsht me taksa dhe çmime 98-99 për qind të xhiros. Ndërkohë, në Itali, Lottomatica vitin e kaluar deklaroi afro 3 miliardë euro xhiro, por vetëm 173 milionë euro ishin fitim i ndërmarrjes, pra më pak se 6 për qind.

(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kremlini: Putini gati për bisedime për paqe me Ukrainën

Kremlini: Putini gati për bisedime për paqe me Ukrainën

25 Nëntor, 12:12