POP 5

Lajmet më të lexuara të 5 minutave të fundit

Ekonomi

Lotaria kombëtare, kompania turke:
S'ka kushte për garë të ndershme

Ministria vihet në shënjestër lidhur me parregullsi, të lejuara për tenderimin e monopolit të lotarisë kombëtare, që, me sa duket, është hartuar me rregulla të tilla, që bëjnë të mundur që ky tender të fitohet nga një kompani e paracaktuar.
Lotaria kombëtare, kompania turke:<br />S'ka kushte për garë të ndershme
Ministria shqiptare e Financave vihet në “shënjestër” nga një tjetër operator i dëgjuar ndërkombëtar i lojrave të fatit, Kësaj rradhe nga Turqia. Ministria vihet në shënjestër lidhur me parregullsi, të lejuara për tenderimin e monopolit të lotarisë kombëtare, që, me sa duket, është hartuar me rregulla të tilla, që bëjnë të mundur që ky tender të fitohet nga një kompani e paracaktuar.

Ditën e djeshme, operatori turk Inteltek, me qendër në Stamboll, ka dërguar një letër për ministrin e Financave Ridvan Bode, nënshkruar nga drejtori i saj i përgjithshëm Ahmet Sezer. Sipas kësaj letre, kompania turke shpreh “shqetësime serioze” për mënyrën se si janë përcaktuar modalitetet e garës lidhur me këtë llotari, nga ana e dikasterit të Financave shqiptare. Kompania ka fituar në Turqi dy herë të drejta ekskluzive për baste sportive dhe është krijuar që nga viti 2001, thuhet në letrën e drejtorit Sezer. Aktualisht, sipas tij, ajo është kthyer në një ndër operatorët më të fuqishëm në botë sa u përket sektorëve të llotarive e basteve të kontrolluara nga shtetet. Xhiroja e saj vjetore llogaritet në rreth 3 miliardë dollarë dhe ka dhënë një kontribut të fuqishëm për zhvillimin e sporteve në Turqi.

Pasi morëm njoftim për organizimin e garës për dhënien e monopolit të llotarisë kombëtare në Shqipëri, ne u njohëm me kushtet e shpallura nga qeveria shqiptare, thuhet më tej në letër, ku shtohet se kuptuam se rregullat e garës nuk lejojnë një kompeticion të vërtetë dhe të hapur. Kushtet e vendosura janë jashtëzakonisht kufizuese, në mënyrë të pazakontë, duke qenë se ndalojnë pjesëmarrjen e operatorëve të tillë të kualifikuar, si Inteltek. Në botë merret për bazë çmimi i ofertës, ndërsa qeveria shqiptare ka vendosur kritere të dorës së dytë si kritere bazë për përzgjedhjen e fituesve, shkruan kreu i kompanisë turke.

Letra drejtuar ministrit Bode përfundon me mesazhin se kompania mban marrëdhënie të mira me qeveritë e Turqisë dhe Azerbajxhanit e kërkon të vendosë lidhje të tilla edhe me institucionet shqiptare. Por, kjo nuk mund të realizohet në rast se nuk ndryshohen kriteret e përcaktuar tashmë nga ana e ministrisë shqiptare të Financave.
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Gudia kulturore/ Polifonia shqiptare takohet me ritmet elektronike tek 'Art Turbina', 'Zëri i dhunës virtuale' tek Galeria e Arteve

Gudia kulturore/ Polifonia shqiptare takohet me ritmet elektronike tek 'Art Turbina', 'Zëri i dhunës virtuale' tek Galeria e Arteve

25 Nëntor, 10:23 nga Blerina Goce