TIRANE - I përmendur nga Tom Doshi si personi që ka shkuar në prokurori për të denoncuar një tjetër plan nga ai i Durim Bamit për eliminimin e Doshit, flet për A1Report Petrit

Çinari duke sqaruar se askush se ka parë atë të futet në ambientet e akuzës.

"Dje dëgjova se zoti Tom Doshi më ka provokuar mua që jam në thonjëza "killer me pagesë". Në mbrëmje unë pashë zotin Vasili që tha se gruaja ime paska marrë dhuratë nga ..... . Sqaroj që kjo kontratë që nxorri Vasilja i LSI-së mua më rezulton defakto që është kontratë shit-blerje, njësoj si buka ë përditshme që unë blej dhe paguaj jo te pronari i furrës por tek shitësja. Kjo kontratë shitje nuk është firmosur para noterit nga pronarët Tom Doshi dhe Aleksandri Vega SHPK. Por nga dy menaxherët e shitjes . 
Askush nuk e di dhe nuk më ka parë mua që të hyj në Prokurori. Unë jam duke parë performancën. Një performancë është që çdo gjë, zoti Vasili apo zoti Doshi kanë në lidhje me personin tim mund t'i drejtohen Prokurorit dhe jo telespektatorit," - tha Çinari.