POP 5

Lajmet më të lexuara të 5 minutave të fundit

Sport

‘El Clasico’ e parë shkon për Barçën
Reali ‘qan’ dy penallti, -6 nga kreu

‘El Clasico’ e parë e edicionit ka shkuar për Barcelonën, pasi ka mundur Realin e Madridit në ‘Camp Nou’ me rezultatin 2-1
‘El Clasico’ e parë e edicionit ka shkuar për Barcelonën, pasi ka mundur Realin e Madridit në ‘Camp Nou’ me rezultatin 2-1 përmes një super ndeshjeje të karakterizuar si gjithmonë nga një luftë e fortë sportive, jo vetëm në fushë, por edhe në shkallët e stadiumit. Në një stadium të tejmbushur dhe me një parrullë në qendër ‘Forca Tito’ ka nisur super ndeshja më e kushtueshme në historinë e futbollit botëror dhe më e ndjekura në botë.

Sytë e të gjithëve ishin të përqendruar te Ronaldo dhe Mesi, por pritej shumë edhe nga debutuesit Bale dhe Neymar. Barca e ka nisur mirë ndeshjen, pasi luante në shtëpi dhe kërkonte të gjente golin me ngulm sa më shpjet. Sulmet dhe rastet për shënim nuk mungojnë nga të ekipet, Reali rrezikon me Ronaldon, teksa katalanasit kundërpërgjigjen me dyshen Mesi-Neymar.

Reali tregohet më i kujdesshëm duke u kthyer në mbrojtje dhe këtu duket se gabon, pasi Barcelona e vë përpara dhe sulmon pa pushim, teksa në minutën e 19 është Iniesta që jep një top të bukur për Neymar që futet në zonë gjuan dhe shënon. Në minutat e mbetura të pjesës së parë Realin tenton me ‘100 milionshin’ dhe CR7, por Barca mbrohet mirë duke e mbyllur pjesën e parë në avantazh. Në aktin e dytë Neymar ka një rast të mirë për të dyfishuar, por Lopez këtë herë i thotë ‘jo’, Ronaldo mundohet të reagojnë, por me kalimin e minutave energjitë shteronin.

Në harkun e pak minutave Reali ka dy raste të mira për shënim me Ronaldon që pretendon një penallti, pasi shtyhet në zonë duke humbur ekuilibrin, por arbitri nuk është i këtij mendimi, ndërsa i sapo futuri Benzema lëshon një silurë që shkund tranverzën. 11 minuta para fundit Barca e zë Realin në një kundërslum me Sancez që shikon daljen e Lopez dhe lëshon një parabël duke shënuar një super gol që duket se vulos fitoren, ndërsa Ronaldo  teksa ‘qan’ përsëri penalltinë e mohuar  ndëshkohet me të verdhë. Kur ekipet po shkonin në dhomat e zhveshjes mendon Rodriguez për Realin për të shënuar golin e nderit pas një kombinimi të bukur me Ronaldon. Pas kësaj ndeshje Reali renditet në vendin e tretë me 6 pikë larg Barcelonës.


d.b/shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55