TIRANE- Ekstradimi drejt vendit tonë i atentatorit të Naim Zyberit, rikthen edhe njëherë në vëmendjen historitë e përgjakshme mes të fortësh, që kanë startuar 22 vite më parë.

I vetëshpalluri Gerti Gjenerali, i cili do të vuajë dënimin e përjetshëm në burgjet tona, risjell edhe njëherë në kujtesën e shqiptarëve, masakrat që pasuan njëra-tjetrën, ndërsa dukej se shteti dhe instancat që kishin për detyrë hetimin, zbulimin dhe parandalimin, bënë vetëm sehir përballë hakmarrjes brutale mes të rinjsh, emrat e të cilëve, jo pak herë përmendeshin deri në instanca të larta të shtetit dhe në foltore parlamenti.