POP 5

Lajmet më të lexuara të 5 minutave të fundit

Politikë

‘Territori’, Ruçi apel: Nëse s’merrni
 pjesë në komision, e bëjmë vetë

Mazhorancës i sos durimi duke pritur opozitën për plotësimin e vendeve të komisionit për reformën territoriale. Në seancën e djeshme të Kuvendit, kreu i grupit parlamentar i PS-së Gramoz Ruçi, vuri afat kohor deri të enjten e javës që vjen.
‘Territori’, Ruçi apel: Nëse s’merrni<br /> pjesë në komision, e bëjmë vetë
TIRANE- Mazhorancës i sos durimi duke pritur opozitën për plotësimin e vendeve të komisionit për reformën territoriale. Në seancën e djeshme të Kuvendit, kreu i grupit parlamentar të Partisë Socialiste, Gramoz Ruçi, vuri afat kohor deri të enjten e javës që vjen, që partitë opozitare të gjitha ose vetëm ndonjëra, të zërë vendin në komision, ose në të kundërt PS do të kërkojë ndryshimin e vendimit të Kuvendit për ngritjen e komisionit për reformën administrative.

“Deri në ditën e enjte, opozita apo Partia Republikane, Partia Drejtësi Integrim dhe Unitet, apo çdo anëtar i partive të tjera që është pjesë e opozitës të zërë vendin e tij në komision,ose në të kundërt unë do të kërkoj që të ndryshoj vendimin e Kuvendit për ngritjen e komisionit për reformën administrative”,- theksoi Ruçi. Por kjo deklaratë e tij nënkupton faktin se mazhoranca do të ndryshojë strukturimin e komisionit.

Formula e parë e miratuar ishte ajo e përbërë nga një numër i barabartë anëtarësh si nga mazhoranca ashtu edhe nga opozita si edhe ky komision të drejtohet nga dy bashkëkryetar. Krahas kësaj, një klauzolë që u vendos për të garantuar konsensusin e opozitës ishte e drejta e vetos si edhe numrin e nevojshëm të anëtarëve për kuorum, i cili parashikon se, që mbledhja të zhvillohet duhet që të jenë gjysma e anëtarëve plus një më shumë, pra kusht i nevojshëm që të jetë të paktën një anëtar i opozitës.

Sipas të gjitha gjasave, propozimi i mazhorancës do të jetë ai që epërsinë në komision ta ketë e majta, që të ketë edhe numrin e nevojshëm të numrave për ta miratuar në komision, si edhe për të plotësuar kuorumin.

Integrimi
Debati ndërmjet opozitës dhe mazhorancës u përqëndrua edhe në çështjen e miratimit të rezolutës së përbashkët me BE-në si edhe në marrjen e statusit të vendit kandidat. Kreu i Grupit Parlamentar të Partisë Socialiste, Gramoz Ruçi, ka akuzuar opozitën për bllokimin që po i bën reformave të ndërmarra nga mazhoranca dhe si të paorientuar për të gjetur objektin e saktë të opozitës.

 Ai ka akuzuar opozitën edhe për lobimin negativ që po bën tek ndërkombëtarët duke hedhur idenë se në vend nuk ekziston qeveria, nuk ka institucione të pavarura dhe po rrëmbehen të gjitha pushtetet. “Në 23 vjet nuk kam parë asnjë kryeministër që t’i drejtohet me letër të hapur opozitës duke i kërkuar dialog dhe pjesëmarrje në të gjitha reformat që po kryhen në vend. Por ju gjithçka e refuzoni. I jeni kthyer FMN-së.

Për ju mallkuar qoftë FMN-ja, mallkuar qoftë kryeministri i Britanisë, mallkuar qoftë Kancelaria gjermane. Ju keni vendosur të jeni kundër për gjithçka, duke mos pasur asnjë alternativë”,- është shprehur Ruçi. Por kësaj deklarate të tij, iu kundërpërgjigj deputeti Aldo Bumçi i cili theksoi se qeveria është e pasigurt nëse do ta marr statusin apo jo, edhe pse gjendemi 3 muaj përpara marrjes së vendimit nga BE-ja.

Shkrimi u publikua sot (11.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43