POP 5

Lajmet më të lexuara të 5 minutave të fundit

Kronikë

Lu me nxënësit: Shoqëria aktive
arma më e mirë kundër korrupsionit

Tre gjimnaze të Elbasanit nën mbështetjen e Ambasadës Amerikane organizuan në qendër të qytetit një sërë aktivitetesh nën moton “Refuzo korrupsionin për një të ardhme më të sigurt”. VIDEO
Lu me nxënësit: Shoqëria aktive<br />arma më e mirë kundër korrupsionit
ELBASAN - Tre gjimnaze të Elbasanit nën mbështetjen e Ambasadës Amerikane organizuan në qendër të qytetit një sërë aktivitetesh nën moton “Refuzo korrupsionin për një të ardhme më të sigurt”

Një nismë e tillë ka marrë më shumë vlerë nga denoncimet në portalin kundër korrupsionit ku kanë spikatur edhe denoncimet e dërguara nga nxënësit e gjimnazit “Kostandin Kristoforidhi” në adresë të mësuesve të tyre të cilët zhvillojnë kurse në këmbim të notës ose favorizojnë edhe fëmijët e tyre.

I pranishëm në këto aktivitete ishte edhe ambasadori amerikan Donald Lu i shoqëruar nga dy ministra Lindita Nikolla e Blendi Çuçi.

Lu gjatë fjalës së tij u shpreh se korrupsioni në Shqipëri është një plagë e tmerrshme që duhet të marrë fund.

“Korrupsioni na ka ndodh të gjithëve dhe ne duam që ai të marrë fund. Një nga mjetet më të fuqishme për të luftuar korrupsionin është një shoqëri civile aktive. Nxënësit, OJQT, media dhe qytetarët e zakonshëm duhet të kërkojnë t’i jepet fund korrupsionit”, - u shpreh Lu.

Ministrja e Arsimit Lindita Nikolla gjatë fjalës së saj u bëri thirrje nxënësve dhe mësuesve të luftojnë më çdo mjet korrupsionin, ndërsa i njëjti apel u bë edhe ministri i Çështjeve Vendore Bledi Çuçi.

“Jam e vetëdijshme që lufta dhe beteja sapo ka nisur por jam e angazhuar me mëndje e zemër për ta fituar këtë betejë ndaj unë do doja të shikoja duart lartë. Të shikoja duart lartë për te thënë se sa e madhe është fuqia jonë. Se Shqipëria jonë nuk është Shqipëria e maskarenjve”, tha Nikolla.
Në aktivitet merrnin pjesë edhe shkolla nga Librazhdi dhe Gramshi.
 
Redaksia Online
(a.h/shqiptarja.com)

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Polarizimi politik në Ballkanin perëndimor dhe Europën lindore, studiuesit theksojnë rreziqet

Polarizimi politik në Ballkanin perëndimor dhe Europën lindore, studiuesit theksojnë rreziqet

21 Mars, 22:50