TIRANË - Sekretari i Përgjithshëm i Lëvizjes Socialiste për Integrim, Luan Rama i ka bërë apel Prokurorisë që të zbardhë sa më parë akuzat e Tom Doshit.
 
Gjithashtu ai i bën thirrje deputetit të përjashtuar nga grupi parlamentar i Partisë Socialiste , Tom Doshit, që të bashkëpunojë me drejtësinë dhe të dorëzojë në Prokurori çdo provë që ai disponon.
 
Për deputetin e Lëvizjes Socialiste për Integrim, Luan Rama akuzat e ngritura nga Tom Doshi janë kauza e dështuar e Berishës.

“Prokuroria të zbardhë sa më parë akuzat e Tom Doshit, nevojitet hetim i shpejtë e i paanshëm. Doshi të dorëzoje çdo provë në Prokurori. Akuzat e Doshit, kauza e dështuar e Berishës.”- shprehet Luan Rama.


Redaksia Online
(a.h/shqiptarja.com)