Orë tensioni në Lindjen e Mesme. Ushtria izraelite ka ndërmarrë një sulm ndaj atyre që i quan "objektiva terroriste në Liban" pasi identifikoi se grupi militant Hezbollah po përgatitej të qëllonte me raketa në drejtim të territorit izraelit, në orët e para të mëngjesit të sotëm (25 gusht 2024).
Forcat e Mbrojtjes Izraelite (IDF) thanë se rreth 200 raketa ishin lëshuar nga Libani në drejtim të Izraelit, sot herët në mëngjes.
Nga ana e tij grupi militant thotë se ka lëshuar më shumë se 320 raketa drejt Izraelit duke synuar 11 objekte ushtarake në pjesën veriore të vendit. Hezbollah deklaroi se filloi një operacion "në shkallë të gjerë" dhe se ka dërguar drone, si dhe raketa Katjusha drejt Izraelit.
Më pas grupi militant deklaroi se kjo ishte "faza e parë" e sulmeve të tij kundër Izraelit dhe se operacioni "kishte përfunduar me sukses të plotë".
Ministri izraelit i Mbrojtjes Yoav Gallant ka shpallur një gjendje të jashtëzakonshme 48-orëshe në të gjithë Izraelin. Ndër objektivat që do të godiste Hezbollahu - raporton IDF - ishte edhe Ministria izraelite e Mbrojtjes në Tel Aviv.
"Do të godasim këdo që na lëndon' tha kryeministri izraelit, Benjamin Netanyahy pasi mblodhi në një takim urgjent kabinetin qeveritar
Ushtria izraelite tha se ka kryer sulme parandaluese kundër objektivave të Hezbollahut në Liban pasi zbuloi planin.
Ndërkohë zëdhënësi i Këshillit të Sigurisë Kombëtare të Shtëpisë së Bardhë, Sean Savett, tha se presidenti amerikan Joe Biden po "monitoron nga afër ngjarjet në Izrael dhe Liban". "Gjatë gjithë natës ka qenë bashkë me ekipin e tij të sigurisë kombëtare" tha Savett.
“Nën drejtimin e tij, zyrtarë të lartë amerikanë komunikuan vazhdimisht me homologët e tyre izraelitë. Ne do të vazhdojmë të mbështesim të drejtën e Izraelit për të mbrojtur veten dhe do të vazhdojmë të punojmë drejt stabilitetit rajonal” tha ai.
Tensionet u përshkallëzuan ndjeshëm pasi Izraeli vrau një komandant të Hezbollahut në Bejrut pothuajse një muaj më parë.
Një ushtar izraelit në një anije të marinës u vra dhe dy të tjerë u plagosën gjatë sulmit të Hezbollahut në Izraelin verior. Kështu raporton gazeta Times of Israel, duke cituar Forcat e Mbrojtjes të Izraelit (IDF). Ushtari i vrarë ishte David Moshe Ben Shitrit, 21 vjeç. Dy ushtarët e tjerë, identiteti i të cilëve nuk bëhet i ditur, mbetën të plagosur lehtë.
Sipas një hetimi fillestar të IDF-së, marinarët ishin në një varkë patrullimi në brigjet e Izraelit verior kur u goditën nga predha nga një raketë Iron Dome, ndërsa të paktën dy drone të Hezbollahut fluturuan mbi zonë.
"Historia nuk ka përfunduar ende." Kështu kryeministri izraelit Benjamin Netanyahu komentoi sulmin e Forcave të Mbrojtjes izraelite kundër raketave të Hezbollahut.
"Hezbollahu u përpoq të sulmonte shtetin e Izraelit me raketa dhe dronë. Ne urdhëruam IDF të kryente një sulm të fuqishëm parandalues për të eliminuar kërcënimin," tha Netanyahu.
“IDF shkatërroi mijëra raketa me rreze të shkurtër dhe të gjitha kishin për qëllim dëmtimin e qytetarëve dhe forcave tona në Galile”, shtoi kryeministri izraelit.
“Për më tepër, IDF kapi të gjithë dronët që Hezbollahu lëshoi kundër objektivave strategjikë në qendër të vendit”, vazhdoi ai.
Një anëtar i një ekipi të reagimit të shpejtë kalon pranë një ndërtese në Izraelin verior, e cila u dëmtua nga sulmi i Hezbollahut
Hamasi thotë se mirëpret lëshimin e qindra raketave dhe dronëve të Hezbollahut drejt Izraelit.
Në një deklaratë në Telegram, Hamasi e përshkruan sulmin si një "përgjigje të madhe cilësore" që goditi "objektivat jetike dhe strategjike" brenda Izraelit.
Grupi lavdëron "përgjigjen e fortë" ndaj vrasjes së komandantit të lartë të Hezbollahut, Fuad Shukr.
“Krimet kundër popullit palestinez dhe libanez nuk do të kalojnë pa përgjigje”, shton ai.
Grupi terrorist libanez Hezbollah ka njoftuar vdekjen e dy anëtarëve të tij pas sulmeve izraelite.
Sipas disa postimeve në Telegarm, dy anëtarët e vrarë janë Khader Moussa Sweid dhe Hamza Mohammed Zalghout, të dy nga fshati jugor Haris.
Më herët, ministria e shëndetësisë publike e Libanit raportoi se një sulm izraelit kishte vrarë dy persona në fshatin Tiri. Nuk është e qartë nëse ata ishin luftëtarët e Hezbollahut, por Tiri është vetëm 4 km (2.5 milje) në jug të Harisit.
Ministria tha gjithashtu se një person ishte vrarë në një sulm me dron në një makinë në Khiam.
Sipas një numri të përditësuar, të paktën 430 militantë të Hezbollahut janë vrarë që nga fillimi i luftës në Rripin e Gazës më 7 tetor.
Ushtria izraelite (IDF) tha se më shumë se 300 raketa u hodhën nga Libani në Izrael gjatë sulmit të mëngjesit të sotëm nga Hezbollahu.
Shumica e këtyre raketave u kapën nga sistemi i mbrojtjes ajrore Iron Dome, siç tregojnë pamjet, ndërsa pjesa tjetër do të kishte shkaktuar dëme dhe lëndime.
Sulmi erdhi vetëm disa orë pasi Forcat Mbrojtëse të Izraelit kryen një seri sulmesh ajrore në Liban, me qëllim goditjen e depove të armëve të lëvizjes islamike.
Foto: Hasan Nasrallah
Benjamin Netanyahu tha se Izraeli ishte "i vendosur të bënte gjithçka për të mbrojtur vendin tonë", në takimin me kabinetin e tij të sigurisë të dielën, ku kryeministri u zotua "të mbajë një rregull të thjeshtë: kushdo që na lëndon - ne e lëndojmë atë".
“Këtë mëngjes ne zbuluam përgatitjet e Hezbollahut për të sulmuar Izraelin. Së bashku me Ministrin e Mbrojtjes dhe Shefin e Shtabit, ne udhëzuam IDF-në (Forcat e Mbrojtjes të Izraelit) që të veprojnë në mënyrë proaktive ndaj kërcënimit”, tha ai.
Netanyahu shtoi se IDF që atëherë "po vepronte fuqishëm për të penguar kërcënimet" dhe se forcat "shkatërruan mijëra raketa që synonin veriun e vendit".
IDF tha se Hezbollahu lëshoi rreth 210 raketa dhe 20 dronë drejt Izraelit verior në sulmin e mëngjesit të sotëm. IDF tha se një pjesë e tyre janë kapur por të tjerat kanë goditur duke shkaktuar dëme dhe lëndime. Shumë raketa goditën gjithashtu zona të hapura.
Hezbollahu libanez në një deklaratë të mëparshme tha se kishte lëshuar "më shumë se 320" raketa Katjusha në Izrael, duke folur për një sulm në shkallë të gjerë të mbështetur nga një "numër i madh dronësh".
Mediat libaneze raportojnë se lideri i Hezbollahut, Hasan Nasrallah do të mbajë një fjalim publik sot pas përkeqësimit të situatës me Izraelin.
Hezbollahu tha se operacioni ushtarak i nisur në orën 05:00 të mëngjesit të sotëm kundër pozicioneve izraelite ‘përfundoi".
Hezbollah mohoi "pretendimet" se Izraeli e pengoi sulmin. "Operacioni i sotëm ushtarak është i plotë dhe i përfunduar," tha në një deklaratë grupi militant që mbështetet nga Irani.
“Pretendimet e Izraelit për një veprim parandalues të kryer prej tij dhe neutralizimi i sulmit janë pretendime boshe”, shtoi ai.
Lajmi u raportua edhe nga stacioni televiziv pro Hezbollahut Al-Mayadeen, i cili raportoi se hakmarrja e Hezbollahut për vrasjen e komandantit të përgjithshëm Fuad Shukr u krye pikërisht ashtu siç duhej dhe përfundoi.
Lidhur me pretendimet e Izraelit se sulmi i tij parandalues ndaj raketave ishte efektiv, transmetuesi tha se pretendime të tilla i drejtoheshin thjesht publikut izraelit.
Ndërkohë një person u vra nga një sulm izraelit me dron në një makinë në qytetin jugor libanez Khiam,bëri të ditur ministria e Shëndetësisë e Libanit, ndërsa të paktën katër persona të tjerë u raportuan të plagosur nga sulmet e tjera.
Foto: Kryeministri izraelit Netanyahy me ministrin e Mbrojtjes Yoav Gallant
Tel Aviv- Kryeministri izraelit Benjamin Netanyahu thotë se jemi të vendosur të bëjmë gjithçka që mundemi për të mbrojtur vendin tonë, për të sjellë banorët e veriut të sigurtë në shtëpitë e tyre.
Ne do të vazhdojmë të ndjekim një rregull të thjeshtë: kushdo që na lëndon, ne do t'i lëndojmë ata”, tha Benjamin Netanyahu, sipas Times of Israel.
Netanyahu konfirmoi gjatë një takimi urgjent të kabinetit se Izraeli shkatërroi mijëra raketa të Hezbollahut këtë mëngjes.
"Këtë mëngjes ne zbuluam përgatitjet e Hezbollahut për të sulmuar Izraelin," tha ai.
“Në konsultim me Ministrin e Mbrojtjes dhe Shefin e Shtabit, udhëzuam forcat e armatosura të veprojnë në mënyrë proaktive për të hequr kërcënimin. Që atëherë, Forcat e Mbrojtjes Izraelite (IDF) ka punuar intensivisht për të ndalur kërcënimet,” vazhdoi ai.
“IDF shkatërroi mijëra raketa të drejtuara në veri të vendit. Gjithashtu po pengon shumë kërcënime të tjera dhe po vepron si në mbrojtje ashtu edhe në sulm”.
Shkëmbim raketash është parë në kufirin e Izraelit me Libanin. Hezbollahu thotë se ka lëshuar më shumë se 320 raketa drejt Izraelit në fillim të asaj që quhet një operacion "në shkallë të gjerë".
Grupi thotë se po synon 11 objekte ushtarake në pjesën veriore të vendit, duke përdorur dron dhe raketa Katjusha.
Ministri i Mbrojtjes Yoav Gallant ka shpallur një gjendje të jashtëzakonshme 48-orëshe në të gjithë Izraelin.
Komente
Lajme të tjera
-
Arrestohet shqiptarja në Londër! Shkoi në protestat pro-Palestinës, dëmtoi kompaninë izraelite të armëve
23 Nëntor, 17:27 -
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Lideri i Hezbollah: Do të godasim qendrën e Tel Avivit
20 Nëntor, 16:31
Para IZRAEL!
Përgjigjumbrotjes apo mbroj*tjes m*dioker?!
Përgjigju