Një sulm ka ndodhur ditën e sotme në rajonin e Belgorodit në Rusi, ku disa tanke kanë bombarduar ndërtesa të shumta. Lidhur me sulmin ka reaguar edhe Rusia, që e ka konsideruar si një përpjekje të ukrainasve për të hequr vëmendjen nga Bakhmuti që sipas tyre është tashmë nën kontrollin e tyre.
Ndërsa nga ana tjetër, Kievi ka mohuar akuzat, duke thënë se një sulm i tillë mund të jenë bërë edhe nga grupet guerrile ruse. Ndërsa guvernatori rus në këtë rajon, u shpreh se si pasojë e sulmeve nga Ukraina shumica e banorëve në këto zona kufitare janë larguar duke braktisur shtëpitë e tyre.
Bakhmut "është vetëm në zemrat tona" , tha presidenti ukrainas Volodymyr Zelensky nga takimi i G7 në Hiroshima , duke lënë të kuptohet se qyteti nuk ekziston më dhe është shkatërruar plotësisht. Dhe për të konfirmuar situatën në qytetin e vogël Donbass, i cili prej dhjetë muajsh ka qenë skena e betejës më brutale të luftës, është gjenerali Oleksandr Syrsky, i cili deklaroi se ushtarët e tij në fakt kanë humbur kontrollin total.
Por fati i qytetit është ende i pasigurt. Rusët që deklarojnë dorëzimin total, u bën jehonë edhe presidenti ukrainas, i cili mohon pushtimin. Ndërkohë, gjatë natës sulme të reja ruse në Dnipro.
Transferimi i avionëve luftarakë F-16 në Ukrainë do të ngrinte çështjen e përfshirjes së NATO-s në konflikt. Kështu ka thënë ambasadori rus në Shtetet e Bashkuara, Anatoly Antonov, në disa komente të publikuara në kanalin e mesazheve Telegram të ambasadës.
Antonov tha gjithashtu se çdo sulm ukrainas në Krime do të konsiderohet si një sulm ndaj Rusisë.
“Është e rëndësishme që Shtetet e Bashkuara të jenë plotësisht të vetëdijshme për përgjigjen ruse”, tha ai. "Në Ukrainë, nuk ka infrastrukturë për të operuar F-16 dhe nuk ka as numrin e nevojshëm të pilotëve dhe personelit të mirëmbajtjes," theksoi Antonov. Çfarë do të ndodhë nëse avionët luftarakë amerikanë nisen nga aeroportet e NATO-s, të kontrolluara nga ‘vullnetarët’ e huaj?”, përfundoi ambasadori.
Guvernatori Vyachelslav Gladkov, ka deklaruar se shumica e banorëve të fshatrave në rajonin e Belogordit pranë kufirit me Ukrainën janë larguar nga territori.
"Shumica e banorëve të fshatrave në rajonin e Belgorodit pranë kufirit me Ukrainën ku sot u zhvillua një inkursion nga përtej kufirit janë larguar nga territori"- tha Gladkov.
Kryeministri britanik, Rishi Sunak u shpreh se thirrjet për të ngrirë konfliktin në Ukrainë janë absolutisht të gabuara dhe duhet të tërhiqen.
Kështu deklaroi Sunak në parlamentin britanik, duke iu përgjigjur deputetit dhe ish-liderit të Partisë Laburiste, Jeremy Corbyn , i cili i bëri presion për një armëpushim. Kryeministri tha se nuk mund të mos pajtohej më me Corbyn, i cili tani është në radhët e pavarura. Në fakt, sipas Sunak, një pezullim i përkohshëm i luftimeve nuk do të çonte në një "paqe të drejtë dhe të qëndrueshme" në Ukrainë.
Forcat ukrainase kanë hyrë në territorin rus të rajonit të Belgorodit ku po zhvillohen përleshjet me forcat e Moskës. Kështu u shpreh guvernatori i rajonit, Vyacheslav Gladkov i cili tha se ka forcat ukrainase kanë hyrë në territor me helikopterë. Zëdhënësi i Kremlinit, Dmitry Peskov e konsideroi këtë sulm si një inkursion të Ukrainës për të larguar vëmendjen nga Bakhmuti, që sipas tij është pushtuar nga forcat ruse.
Nga ana tjetër, këshilltari i presidentit ukrainas, ka mohuar që Ukraina të ketë lidhje me sulmet në rajonin e Belgorodit të Rusisë. Podolyak tha se ishin vetë grupet guerrile të rusëve që kishin sulmuar.
Deminimi i Bakhmutit ka filluar. Kjo u bë e ditur nga kreu në detyrë i Republikës së vetëshpallur Popullore të Donetskut (DPR) Denis Pushilin. "Ka një çminim paraprak të qytetit," tha ai për kanalin televiziv Rossiya-24. Forcat ruse që çliruan qytetin po kontrollojnë ndërtesat për eksplozivë, tha Pushilin. "Për ne është e rëndësishme të bëjmë një çminim të plotë dhe të plotë. Kjo është një punë shumë e mundimshme dhe e vështirë, duke pasur parasysh shkallën e armiqësive që kanë ndodhur."
Lajme të tjera
-
Rrëzimi i avionit në Kazakistan, mesazhet e fundit të pilotit: Po humbas kontrollin! Ka presion të lartë në kabinë
26 Dhjetor, 17:52 -
Rusia anashkalon sanksionet perëndimore, fillon përdorimin e Bitcoin në tregtinë ndërkombëtare
26 Dhjetor, 17:14 -
Lufta/ Aeroportet e Moskës mbyllen përkohësisht! Lavrov: Një armëpushim në Ukrainë do të ishte i padobishëm tani
26 Dhjetor, 15:09 -
Zyrtare/ Arinaldo Rrapaj prezantohet në Ukrainë, Partizani arkëton 900 mijë euro nga shitjet
26 Dhjetor, 13:23 -
Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat
26 Dhjetor, 08:46 -
Kazakistan/ Avioni me 67 persona në bord dyshohet se u godit nga rusët, vetëm 28 mbijetuan
26 Dhjetor, 07:25 -
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Zbulohen profecitë e Baba Vangës për vitin 2025: Alienët me apokalips, ilaçi kundër kancerit dhe nanoteknologjia! Çfarë u realizuan dhe çfarë jo më 2024
25 Dhjetor, 17:38 -
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12
