POP 5

Lajmet më të lexuara të 5 minutave të fundit

Bota

Lufta Armeni-Azerbajxhan: 3 marrëveshje për armëpushim në letër, në terren nuk ka armëpushim

Është hera e tretë që Armenia dhe Azerbajxhani arritën një marrëveshje për paqen dhe sërish ai u thye nga palët të cilët nuk nguruan të akuzonin njëra-tjetrën për thyerjen e tij, armëpushim i cili do të hynte në fuqi ditën e sotme.

Lufta Armeni-Azerbajxhan: 3 marrëveshje për armëpushim në letër, në terren nuk ka armëpushim

Foto ilustruese

Është hera e tretë që Armenia dhe Azerbajxhani arritën një marrëveshje për paqen dhe sërish ai u thye nga palët të cilët nuk nguruan të akuzonin njëra-tjetrën për thyerjen e tij, armëpushim i cili do të hynte në fuqi ditën e sotme.

Ministria e Mbrojtjes e Armenisë tha se armëpushimi u shkel dy herë nga bombardimet e forcave azerbajxhanase.

Kryeministri armen, Nikoll Pashinian, tha se pala armene "vazhdon të respektojë rreptësisht armëpushimin".

Por, Ministria e Mbrojtjes e Azerbajxhanit tha se forcat e saj gjithashtu po respektonin armëpushimin duke shtuar se forcat armene e "kishin shkelur atë".

Akuzat e ndërsjella vijnë pas një deklarate të përbashkët nga Departamenti i Shtetit i SHBA-së dhe dy qeverive, më 25 tetor, ku u tha se të dyja palët janë angazhuar për armëpushimin.

Sekretari amerikan i Shtetit, Mike Pompeo, u takua me ministrat e jashtëm të Armenisë dhe Azerbajxhanit, në Uashington, dy ditë më parë, për t’i nxitur ata në drejtim të paqes.

Luftimet e fundit në rajonin e shkëputur të Nagorno Karabakut – që nisën më 27 shtator – kanë lënë të vrarë të paktën 1000 ushtarë dhe civilë dhe këto luftime po konsiderohen si më të ashprat që prej armëpushimit të vitit 1994, që i dha fund luftës ndërmjet Armenisë dhe Azerbajxhanit për statusin e rajonit të Nagorno Karabakut.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02