Lufta/ Blinken vizitë në Lindjen e Mesme këtë javë: Pasiguri e rëndë ushqimore për popullsinë në Gaza, duhet armëpushim

Gaza

Ministria e Shëndetësisë në Gaza, e cila udhëhiqet nga Hamas, ka deklaruar ditën e sotme se 31,819 palestinezë janë vrarë që nga fillimi i luftë me Izraelin më 7 tetor të vitit 2023.

Ministria palestineze shton se 73,934 janë plagosur si pasojë e luftimeve të ashpra.

Benjamin Netanyahu 

“I thashë presidentit Biden në formën më të qartë të mundshme se ne jemi të vendosur për të përfunduar eliminimin e batalioneve të Hamasit në Rafah dhe nuk ka asnjë mënyrë për ta bërë këtë pa arritur forcat tokësore”.

Kryeministri izraelit Benyamin Netanyahu e tha këtë në Komitetin e Punëve të Jashtme të Knesset-it, duke shtuar se është e nevojshme të shkatërrohet "madje edhe batalioni e gjysmë i Hamasit që ka mbetur në zonën qendrore të Rripit".

Udhëheqësi i Hamasit, Marwan Issa, vdiq në një sulm ajror izraelit, tha zyrtari i Shtëpisë së Bardhë, Jake Sullivan.

Si zëvendës komandant ushtarak, Issa është udhëheqësi më i lartë i Hamasit që ka vdekur që nga fillimi i luftës më 7 tetor.

Hamasi nuk ka komentuar zyrtarisht raportet për vdekjen e tij. Mediat izraelite kanë raportuar se Issa u vra në një sulm në Gaza javën e kaluar.

Ushtria izraelite ka vrarë një numër udhëheqësish të lartë të Hamasit që nga 7 tetori. Lideri politik i Hamasit, Saleh al-Arouri vdiq në një shpërthim në periferinë jugore të Bejrutit, Dahiyeh. Izraeli konsiderohet gjerësisht përgjegjës për atë sulm.

Sullivan, këshilltari i Sigurisë Kombëtare i Shtëpisë së Bardhë, tha se liderë të tjerë të Hamasit besohet të jenë të fshehur. Ai u zotua se SHBA do të ndihmonte Izraelin në kërkimin e tij të vazhdueshëm për udhëheqësit kryesorë të Hamasit, duke shtuar: "Drejtësia do të vijë edhe për ta".