POP 5

Lajmet më të lexuara të 5 minutave të fundit

Bota

Lufta/ Bombardohet Kievi, 5 raketa bien në lagjet e kryeqytetit! Rusia: Sulmuam zyrat e shërbimit sekret ukrainas

Një ditë pasi Zelensky dhe Putin shkëmbyen deklarata dhe akuza në distancë për negociatat për paqen, ushtria ruse lëshoi 6 raketa në Kiev të cilat shkaktuan 1 të vdekur dhe 9 të plagosur. Rusia ndërkohë ka kryer edhe një sulm kibernetik në regjistrat shtetëror të Ukrainës ku mendohet se ka marrë të dhëna të rëndësishme për shtetasit ukrainas.

Shpërthime të forta u dëgjuan në qendër të Kievit në një distancë të shkurtër nga njëra-tjetra, pasi autoritetet raportuan se të paktën pesë raketa ishin lëshuar drejt kryeqytetit. Është prekur veçanërisht lagjja Golosivski ku kanë marrë flakë disa makina të parkuara në rrugë.

Mbetjet e raketave ruse, të rrëzuara pas bastisjes së mëngjesit të sotëm, ranë në 4 lagje të Kievit, duke shkaktuar zjarre. Për momentin numri i të vdekurve mbetet një person, por numri i të plagosurve ka shkuar në 9.

Të dhënat u dhanë nga kryebashkiaku i Kievit, Vitaliy Klitschko. Ministria ruse e Mbrojtjes thotë se sulmi i sotëm në Ukrainë goditi objektivat e mbrojtjes, përfshirë komandën e Shërbimit të Sigurisë të Ukrainës, dhe shton se është një përgjigje ndaj raketave perëndimore ATACMS të përdorura nga Ukraina në 18 dhjetor kundër uzinës Kamensk në Rostov.

Zëvendëskryeministrja e Ukrainës Olga Stefanishyna ndërkohë njoftoi se Rusia ka kryer sulmin më të madh kibernetik të jashtëm në të dhënat shtetërore të vendit në kohët e fundit. Regjistrat ku ajo ka goditur përmbajnë informacion jetik për qytetarët ukrainas, si lindjet, vdekjet, martesat dhe pasuritë e paluajtshme.

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

Mbledhja e dy Kuvendeve, Hisen Berisha: Vërejtet e Ramës ndaj Kurtit, me vend! Por ishte mbështetje e ndërsjelltë prag fushate

Mbledhja e dy Kuvendeve, Hisen Berisha: Vërejtet e Ramës ndaj Kurtit, me vend! Por ishte mbështetje e ndërsjelltë prag fushate

20 Dhjetor, 18:45