Lufta/ Largohet nga Gaza grupi i tretë i pengjeve, më e vogla 4 vjeç! Izraeli liron 39 të burgosur palestinezë! Netanyahu: Mund të zgjatet armëpushimi

Një shkëmbim i tretë i pengjeve të Hamasit me të burgosurit palestinezë në Izrael ka ndodhur në ditën e tretën e armëpushimit. Bëhet fjalë për 17 pengje ndërsa mes tyre është edhe vajza 4 vjeçare amerikane Abigail Edan dhe një shtetas rus, kurse të tjerët, janë izraelitë.

Kryqi i kuq ndërkombëtar njofton se mes pengjeve, më e vogla është një vogëlushe, amerikanja Abigail Edan. 4 vjeç ajo i mbushi teksa mbahej peng nga militantët e Hamasit. 

Nga ana tjetër, Izraeli ka publikuar po ashtu listën me 39 të burgosur palestinezë që janë liruar po ditën e sotme. Ndërkohë në Rripin e Gazës banorët thonë se armëpushimi i përkohshëm po u mundëson të shijojnë disa “momente të humbura” normaliteti.

Hamasi ka konfirmuar se 4 komandatë të brigadës veriore të Gazës janë vrarë nga ushtria izraelite. Ndërsa ministria e Mbrojtjes së Izraelit ka deklaruar se gjatë bastisjeve në shtëpitë e anëtarëve të Hamasit, janë sekuestruar 1.3 milionë dollarë që kanë kaluar në buxhetin e shtetit. 

Ndërkohë, qindra kamionë që transportonin ndihma humanitare vazhdojnë të hyjnë në Rripin e Gazës, të rrethuar dhe të shkatërruar nga shtatë javë bombardime intensive izraelite në hakmarrje për sulmin e përgjakshëm të Hamasit më 7 tetor.

Rendit zhvillimet sipas orarit:
Ora 22:36
Netanyahu propozon plan: 10 pengje në ditë, mund të zgjatet armëpushimi! Në fund rifillojmë operacionet

1701034909_1111111.JPG

Kryeministri izraelit Benjamin Netanyahu tha këtë mbrëmje se ekziston një mundësi për marrëveshje për zgjatjen e armëpushimit në Gaza.

"I thashë Presidentit Biden, ekziston një plan marrëveshjeje, ai parashikon lirimin e 10 pengjeve për çdo ditë shtesë armëpushimi”.

“Por thashë gjithashtu – saktësova se në fund të atij plani do të rifillojmë me të gjitha forcat tona për të arritur objektivat e luftës”. 

Ora 22:13
Lufta në rripin e Gazës, Hamasi kërkon zgjatjen e armëpushimit 4-ditor

1701033300_AP23330248996009.jpg

Hamasi ka kërkuar zgjatjen e armëpushimit në Gaza, një veprim që mund të rrisë numrin e pengjeve që mund të lirohen.

Sipas marrëveshjes aktuale, dita e fundit e armëpushimit është e hëna. Në një deklaratë për mediat, Hamasi thotë se “po kërkon të zgjasë armëpushimin pas përfundimit të katër ditëve përmes përpjekjeve serioze për të rritur numrin e pengjeve të liruar siç përcaktohet në marrëveshjen e armëpushimit humanitar”.

Ora 21:31
Të liruar nga Gaza, pengjet: Prisnim deri në dy orë të shkonim në tualet! Familjarët: Humbën 6-8 kilogramë për 50 ditë

 

Të afërm të pengjeve të Hamasit të cilët janë lënë të lirë më herët, dëshmuan se familjarët e tyre ishin mbajtur totalisht të izoluar. New York Times, citon një një nënë të liruar në Gaza me djalin e saj të vogël se ata kishin fjetur në karrige. Një 85-vjeçare nga një familje tjetër tha se teksa mbaheshin peng gati kishin humbur sensin e kohës. Vetë pengjet nuk kanë folur drejtpërdrejt pasi shumica ndodhen në spitale ndërkohë që informacionet rreth tyre janë të klasifikuara nga Izraeli.

Megjithatë detaje nga periudha e mbajtjes së tyre në privim të lirisë janë mësuar nga të afërmit. Ata kanë thënë se pasi takuan të afërmit e tyre, panë se ishin kthyer më të dobët se më parë.

"Ata janë ushqyer, por jo rregullisht dhe jo gjatë gjithë kohës" tha Merav Mor Raviv, një kushëri i Keren Munder, 54 vjeç, e cila u lirua të premten së bashku me djalin e saj, 9 vjeç.

Pengjet ishin ushqyer kryesisht me oriz dhe me bukë tha Raviv, duke shtuar se të afërmit e saj kishin humbur rreth 6 deri në 8 kilogramë gjatë kohës që u mbajtën nga Hamasi. Ata kishin fjetur në një dhomë në “krevate” të improvizuar duke bashkuar tri karrige.

"Dera e dhomës ishte e mbyllur dhe kur ata donin të shkonin në tualet, duhej të trokisnin dhe të prisnin - ndonjëherë deri në dy orë derisa porta të hapej". Mediat citojnë se aq të izoluar kanë qenë pengjet saqë kanë mësuar për humbjen e të afërmve në luftë vetëm pasi janë liruar.

Ora 20:45
Hamas liron 17 pengje, mbi 100 kamionë me ndihma hyjnë në Gaza

1701028693_vvvvccc.JPG

Shtatëmbëdhjetë pengje u dorëzuan nga Hamasi në Kryqin e Kuq në ditën e tretë të armëpushimit me Izraelin. 14 ishin izraelitë, përfshirë 9 fëmijë dhe 4 tajlandezë. Pas lirimit të pengjeve qeveria egjiptiane ka njoftuar se rreth 120 kamionë që transportonin ndihma humanitare, kanë hyrë në Gaza.

 

Ora 20:35
Dita e tretë e armëpushimit, të burgosurit palestinezë lirohen nga Izraeli

1701027460_131816704f150a44a59cdbac54c676ea5342c02d4afda7b69.jpg

Një grup të burgosurish palestinezë janë liruar nga Izraeli si pjesë e marrëveshjes së armëpushimit.

Mësohet se janë liruar 39 të burgosur. Një ekip i Sky Neës ka parë autobusët duke dalë nga burgu ushtarak Ofer.

Ora 12:36
VIDEO/ Pamje trishtuese nga spitali al-Shifa pas bombardimeve

Gjatë armëpushimit në Gaza, duke përfituar nga situata e qetë, disa gazetarë janë kthyer në spitalin Al-Shifa, dhe kanë filmuar kushtet me të cilat përballet aktualisht spitali.

Pamjet e publikura janë trishtuese dhe tregojnë qartë mjerimin në të cilin ndodhet Al-Shifa.

Ora 12:19
Hamasi konfirmon vrasjen e 4 komandatëve të grupit në Gaza, Izraeli: Kemi sekuestruar 1.3 milionë euro nga bastisjet në shtëpitë e tyre

Hamasi ka konfirmuar sot vrasjen e 4 komandatëve të grupit përfshirë edhe kreun e Brigadës veriure, Ahmed Ghandour.

Nga ana tjetër forcat izraelite bënë me dije se kanë sekuestruar më shumë se 1.3 milionë dollarë para në dorë nga shtëpitë e terroristëve dhe bastionet e Hamasit në Gaza.

“Paratë e gatshme u sekuestruan dhe do t'i "konfiskohen shtetit", shtoi ministria e Mbrojtjes së Izraelit.

Ora 08:28
U lirua dje nga Hamasi, 21 vjeçarja izraelite do t'i nënshtrohet një operacioni urgjent

1700979153_izrael.PNG

Përpara se ta rrëmbenin Mia Regev, milicia e Hamasit e qëlloi atë më 7 tetor.

Kështu vajza 21-vjeçare izraelite ishte duke ecur me paterica kur u lirua orët e fundit. Kjo u pa në videon e lirimit të publikuar nga Hamasi dhe për shkak të kushteve të saj shëndetësore, sqarojnë burimet izraelite, ajo u transferua në spitalin e Sorokas, pasi ishte e vetmja nga 13 pengjet e liruar dje që kishte nevojë për trajtim urgjent.

Mia Regev do t'i nënshtrohet një operacioni sot. Megjithatë, Ministria izraelite e Shëndetësisë saktëson se “gjendja shëndetësore e të resë është e qëndrueshme pas 7 javësh robëri”.

B.V/B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcon sigurinë dhe rolin e Shqipërisë baza e NATO-s në Kuçovë?



×

Lajmi i fundit

Gjermania vlerëson angazhimin e Malit i Zi ndaj reformave evropiane

Gjermania vlerëson angazhimin e Malit i Zi ndaj reformave evropiane