UKRAINË- Dhjetëra mijëra ushtarë të tjerë rusë të dërguar në Ukrainën lindore, një shenjë e prekshme e ofensivës së re të afërt në shkallë të gjerë, e cila mendohet të ketë nisur 15 shkurti, me qëllimin e vendosur nga Vladimir Putin për të marrë të paktën të gjithë Donbasin.
Nga ana tjetër, presidenti ukrainas, Volodymyr Zelensky ka mbërritur në Britaninë e Madhe ku është takuar me kryeministrin britanik, Rishi Sunak dhe do të mbajë një fjalim para deputetëve britanikë.
Ndërkohë në Bakhmut, një bastion i Ukrainës në Donbass, ka ende luftime. Sipas burimeve ushtarake ukrainase, 24 orët e fundit kanë qenë më vdekjeprurësit për forcat ruse që nga fillimi i konfliktit, me 1,030 të vdekur të rinj, në një total prej 133,190, një shifër që megjithatë është e pamundur të verifikohet në mënyrë objektive.
Nga ana tjetër, në Kiev mbërriti në befasi ministri gjerman i Mbrojtjes Boris Pistorius, i cili në mënyrë simbolike solli me vete në kryeqytetin ukrainas një model të tankut Leopard, duke konfirmuar mbërritjen “brenda muajve të ardhshëm”. Do të ketë mbi 100 të tipit Leopard 1A5 nga Gjermania, Holanda dhe Danimarka. Ndërsa qeveria gjermane ka autorizuar dërgimin e 178 tankeve të tjera të të njëjtit lloj, siç zbulon der Spiegel. Shpresa është që automjetet e para të mund të dorëzohen që në verë, edhe nëse shumica mund të mos mbërrijnë përpara vitit 2024. Ukraina gjithashtu tregon besim në F-16-të amerikanë dhe luftëtarët perëndimorë, pavarësisht se presidenti i SHBA Joe Biden vazhdon të frenojë.
Presidenti ukrainas Volodymyr Zelensky ka arritur në Paris pas fluturimit nga Londra. Sapo arriti në pistën e aeroportit Orly të Parisit, lideri i Kievit u prit me përshëndetjen e Gardës Republikane Franceze.
Tani ai pritet në Elysee për një darkë pune me presidentin francez, Emmanuel Macron dhe kancelarin gjerman, Olaf Scholz , në prag të samitit të BE-së. Të tre liderët do të bëjnë një deklaratë të përbashkët për shtypin e mbledhur në sallonet e Elysee.
Rusia ka sanksionuar dhjetëra politikanë dhe zyrtarë amerikanë të mërkurën, në atë që tha se ishte një veprim hakmarrës për mbështetjen e Uashingtonit për Kievin, dhe një përgjigje ndaj sanksioneve të Perëndimit kundër Moskës. Ministria e Jashtme ruse tha se ua ka ndaluar përgjithmonë hyrjen në Rusi 77 shtetasve amerikanë.
Lista përbëhet nga 33 guvernatorët e shteteve të SHBA-së dhe një mori zyrtarësh të tjerë shtetërorë dhe federalë të rangut të mesëm.
Sanksionet e SHBA-së, BE-së dhe vendeve të tjera kundër Rusisë kanë shkuar vazhdimisht duke u rritur. Sot janë në fuqi një varg sosh - nga ndalimi i mallrave dhe shërbimeve ruse deri te bllokimi i transaksioneve të saj financiare. Dhjetëra kompani ndërkombëtare po ashtu kanë pezulluar tregtinë në Rusi, ose janë tërhequr fare. Nga disa media në SHBA, sanksionet janë cilësuar si më të rëndat dhe më të koordinuarat ndonjëherë nga Perëndimi.
Zelensky ka qenë sot në Mbretërinë e bashkuar ku dhe ka ndarë disa mesazhe për të gjitha shtetet. Ai jo vetëm ka kërkuar mbështetje për Ukrainën, por edhe i ka paralajmëruar për një rrezik të mundshëm në të ardhmen, pra një sulm të Rusisë në vende të tjera.
“Nëse Putini e fiton këtë luftë, ai do të bëjë të njëjtën gjë diku tjetër”,kështu deklaroi presidenti ukrainas gjatë një interviste ekskluzive për Le Figaro dhe Der Spiegel , gjatë së cilës ai fton liderët perëndimorë të kapërcejnë hezitimet e fundit dhe të furnizojnë Kievin me të gjitha armët që i nevojiten. Gjatë intervistës, Zelensky tha më pas se presidenti francez Macron "ka ndryshuar vërtet këtë herë".
Në fund të fundit, ishte ai që hapi derën për dërgesat e tankeve. Ai gjithashtu mbështeti kandidaturën e Ukrainës për në BE.
"Unë mendoj se ishte një sinjal i vërtetë," tha Zelensky.
Presidenti ukrainas Volodymyr Zelensky dhe kryeministri britanik Rishi Sunak kanë nënshkruar një deklaratë uniteti.
“Deklarata e unitetit përfshin parimet e mbështetjes sonë të ndërsjellë. Në konferencën për shtyp, Zelensky foli për "një nivel të ri në marrëdhëniet tona", i cili, përveç armëve, ka të bëjë me "sanksionet dhe bashkëpunimin ekonomik. E gjithë kjo forcon shumë lidhjet" midis Kievit dhe Londrës.
Themeluesi i Pink Floyd, Roger Waters , i ftuar nga Rusia për të folur në mbledhjen e Këshillit të Sigurimit të kërkuar nga Moska për Ukrainën, ka nisur një apel për një armëpushim.
"President Biden, President Putin, President Zelensky, ju lutemi ndryshoni rrjedhën e ngjarjeve, bini dakord sot për një armëpushim, megjithëse sigurisht kjo do të jetë vetëm pika e fillimit", tha ai, duke theksuar se "pushtimi nga Rusia është i paligjshëm dhe unë e dënoj, por nuk ka qenë e paprovokuar, ndaj edhe unë i dënoj me shprehjet më të forta provokatorët”.
Moska ka ftuar Roger Waters, bashkëthemeluesin e Pink Floyd pët të folur në Këshillin e Sigurimit të OKB-së, kjo pas qëndrimeve të tij pro-ruse. Mbledhja e Këshillit të Sigurimit të Kombeve të Bashkuara që do të fillojë në orën gjashtë pasdite të sotme me orën e Neë York-ut.
Waters prej disa kohësh ka mbajtur qëndrime pro-ruse edhe për çështjen e pushtimit të forcave të Moskës. Waters "do të flasë për perspektivat për një zgjidhje paqësore të krizës në Ukrainë, në kontekstin e rritjes së furnizimeve ushtarake perëndimore në vend," shpjegoi Polyansky.
Presidenti ukrainas, Volodymyr Zelenskiy do të takojë Mbretin Charles pas fjalimit të tij para deputetëve britanikë në Westminster. Pas vizitës së tij në Londër, presidenti ukrainas Volodymyr Zelensky do të udhëtojë për në Paris, ku pritet sonte nga presidenti Macron. Udhëheqësi ukrainas thuhet se do të vizitojë nesër gjithashtu Brukselin.
Presidenti i Ukrainës, Volodymyr Zelensky, mbërriti në Westminster Hall për të mbajtur një fjalim para deputetëve të Mbretërisë së Bashkuar dhe u prit me duartrokitje të vazhdueshme nga politikanët. Media birtanike, Sky News shkruan se Zelensky do të jetë lideri i parë i huaj që do t'u drejtohet deputetëve në Westminster Hall që nga viti 2012, kur Aung San Suu Kyi e bëri këtë.
Ministria e Mbrojtjes e Federatës Ruse njoftoi shkatërrimin e një ndërmarrje në Kharkiv ku u krye prodhimi dhe modernizimi i dronëve. Kjo është raportuar nga Interfax duke cituar zëdhënësin e Ministrisë ruse të Mbrojtjes, Igor Konashenkov.
Papa Françesku ka bërë sërish thirrje për ndihmë për Ukrainën, e cila është në luftë prej një viti.
"Të mos harrojmë vuajtjet e popullit ukrainas kaq të vuajtur, me këtë të ftohtë, pa dritë, pa ngrohje. Ata janë në luftë", tha Françesku para audiencës së përgjithshme.
Presidenti ukrainas, Volodymyr Zelensky, është nisur për në Britaninë e Madhe, ku do të vizitojë trupat që po trajnohen në vend dhe do të takohet me kryeministrin Rishi Sunak në Downing Street. Për Zelensky është vizita e parë në Mbretërinë e Bashkuar që nga fillimi i pushtimit. Presidenti ukrainas do të mbajë një fjalim para Parlamentit, më pas do të vazhdojë për në Bruksel.
Komente
Lajme të tjera
-
Liderja e re e konservatorëve në Britani premton 'të vërteta të hidhura'
3 Nëntor, 16:27 -
Orban paralajmëron: Nëse Trump fiton zgjedhjet në Amerikë, Evropa duhet të rimendojë ndihmën për Ukrainën
3 Nëntor, 16:01 -
Angli/ E rëndë në Yorkshire! Vajza 10 vjeçare ndërron jetë pas plagëve nga sulmi i qenit të familjes
2 Nëntor, 22:44 -
Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 16:12 -
Kemi Badenoch bëhet liderja e parë me ngjyrë e Partisë Konservatore në Britani
2 Nëntor, 15:36 -
Lufta në Ukrainë/ Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 08:11 -
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
Lufta në Ukrainë/ Koreja e Veriut: Do të qëndrojmë pranë Moskës deri në fitoren kundër Kievit
1 Nëntor, 17:55 -
Rusi/ 10 mijë ushtarë koreano-veriorë gati kundër Ukrainës
1 Nëntor, 10:06 -
Kryediplomati hungarez kritikon sanksionet e BE-së gjatë vizitës në Minsk: Neve s'na pëlqen politika e sanksioneve
31 Tetor, 20:57 -
Lufta në Ukrainë/ Korea e Jugut nuk përjashton mundësinë e dërgimit të raketave Hawk në Kiev! Zelensky - Perëndimit: Na lejoni sulmet thellë brenda Rusisë
31 Tetor, 17:36 -
SHBA sanksionon firmat serbe dhe malazeze për shkak të mbështetjes të luftës së Rusisë
31 Tetor, 15:50
Budallai te ngatron kur nuk flet.
Përgjigjuperendimi mbaroi, ktu ska qellim te putin, perendimi tani te mbaj afer vetem ushtarin e surrelit se vetem ai i ka ngelur.
PërgjigjuSa primitiv je Arti, si armet e ndryshkura te Don Kishotit. Nje qenie e vjeter, e prapambetjen qe pelqen dhunen, jo lirine.
Ke shume te drejte , perendimoret deri dje u fuqizuan duke vjedhur risurset e vendeve te varfra por ajo epoke mbaroj tani do pagusj cdo njeri per ate qe do mar dhe eshte e drejte