Udhëheqësi i Hezbollahut, Hassan Nasrallah tha dje (19 qershor ) se një luftë që përfshin Libanin do të kishte implikime rajonale.
Grupi i armatosur shiit libanez do të sulmonte çdo vend tjetër në rajon që ndihmoi Izraelin në përpjekjet e luftës, duke përmendur Qipron, e cila priti forcat izraelite për stërvitje.
Ndërkohë presidenti qipriot Nikos Christodoulides iu përgjigj kërcënimeve të liderit të Hezbollahut duke thënë se "Qiproja nuk është e përfshirë në asnjë operacion ushtarak në rajon”.
Qiproja është "pjesë e zgjidhjes, jo problemit", tha Christodoulides, duke kujtuar korridorin detar Qipro-Gaza që përdoret për të ofruar ndihma në enklavën palestineze.
Në një deklaratë të lëshuar nga zëdhënësi qipriot Konstantinos Letymbiotis, Christodoulides nënvizoi se "ekziston një kanal komunikimi si me qeverinë libaneze ashtu edhe me atë iraniane, nëpërmjet rrugës diplomatike".
Presidenti u pyet nëse është i shqetësuar për deklaratat e Nasrallah.
"Ato nuk janë të këndshme - u përgjigj ai -, por nuk korrespondojnë në asnjë mënyrë me atë që ne po përpiqemi të bëjmë, që është të japim imazhin e përfshirjes së Qipros në aktivitete luftarake: absolutisht nuk është kështu".
Foto: Amos Hochstein dhe kryetari i parlamentit libanez Nabih Berri
I dërguari i posaçëm i SHBA-së, Amos Hochstein, ka paralajmëruar zyrtarët libanezë se nëse Hezbollahu nuk i jep fund sulmeve të tij të përditshme në veri të Izraelit, ai mund të bëhet objektiv i një operacioni të kufizuar izraelit të mbështetur nga SHBA. Lajmin e ka bërë të ditur transmetuesi publik Kan.
Sipas stacionit televiziv, Hochstein u tha zyrtarëve se nevojitet një zgjidhje diplomatike për të larguar grupin terrorist të mbështetur nga Irani larg kufirit, përndryshe Izraeli do të nisë një sulm të kufizuar me mbështetjen e SHBA. Hochstein ndodhet në rajon në një përpjekje për të shmangur një përshkallëzim.
Lajme të tjera
-
Lufta Izrael - Hamas/ Mediat arabe shpërdajnë video, ushtarët izraelite lidh palestinezin e plagosur në kofanon e makinës! Sulmohet selia e Kryqit të Kuq 25 të vdekur
22 Qershor, 19:41 -
BE dënon sulmet në Gaza: Nevojitet një hetim i pavarur
22 Qershor, 16:41 -
Izraelitët ngrihen në protestë, kundër qeverisë së kryeministrit Benjamin Netanyahu
21 Qershor, 17:07 -
SHBA frikësohet: Hezbollahu mund të mposht mbrojtjen ajrore të Izraelit! Shpërthime në Gaza, të paktën 8 të vdekur
21 Qershor, 08:17 -
Lufta/ Wall Street Journal: Vetëm 50 pengje izraelite janë gjallë! OKB: Mijëra familje në Gaza pa ushqim, hanë 1 vakt në 2 ditë
20 Qershor, 17:16 -
OKB: Izraeli mund të ketë shkelur ligjet e luftës
19 Qershor, 15:41 -
Izraeli kryen sulm vdekjeprurës në Siri
19 Qershor, 15:17 -
SHBA, thirrje 'urgjente' për ndërprerjen e luftimeve mes Izraelit dhe Hezbollahut
19 Qershor, 09:22 -
Netanyahu i bënë thirrje SHBA-së: Ndaloni bllokadën e armëve! Shtëpia e Bardhë anulon takimin e nivelit të lartë me përfaqësues izraelitë
19 Qershor, 08:39 -
Izraeli heq vizat për Kosovën, sot nënshkruhet marrëveshja
18 Qershor, 12:37 -
Izrael, demonstrata antiqeveritare, përleshje dhe arrestime
18 Qershor, 08:05 -
Netanyahu shpërbën kabinetin e luftës pas largimit të Benny Gantz
17 Qershor, 11:01
