Lufta/ 1500 civilë të evakuuar nga Zaporizhzhia! Kreu i inteligjencës ushtarake ukrainase: Vazhdojmë të vrasim rusët! Prigozhin nuk lë Bakhmutin

"Situata e përgjithshme në zonën pranë termocentralit bërthamor të Zaporizhzhya po bëhet gjithnjë e më e paparashikueshme dhe potencialisht e rrezikshme." Kështu u shpreh shefi i IAEA (Agjencia Ndërkombëtare e Energjisë Atomike), Rafael Grossi duke shtuar se është i shqetësuar për rreziqet reale që ka centrali përsa i përket sigurisë bërthamore.

“Ndërkohë që personeli i centralit bërthamor mbetet në terren, ekspertët e IAEA-s kanë marrë informacion se evakuimi i paralajmëruar i banorëve të qytetit të afërt Enerhodar, ku jeton pjesa më e madhe e personelit të centralit” - shtoi Grossi duke shtuar se po monitorojnë nga afër situatën për çdo ndikim të mundshëm në sigurinë bërthamore.

Kreu i inteligjencës ushtarake ukrainase, Kyrylo Budanov, ka refuzuar të konfirmojë ose mohojë informacionin për përfshirjen e mundshme të shërbimeve sekrete ukrainase në sulmet që kanë plagosur ose vrarë, muajt e fundit, disa eksponentë të propagandës nacionaliste ruse, duke përfshirë dje aulmin ndaj shkrimtari Zakhar Prilepin.

Agjencia UNIAN shkruan se Budanov në një intervistë ka nënvizuar se Ukraina do të luftojë kundër pushtuesve rusë deri në fitoren e plotë.

“Gjithçka që do të komentoj është se ne kemi vrarë rusë dhe do të vrasim rusët kudo në botë deri në fitoren e plotë të Ukrainës”, tha kreu i GUR.

Shefi i grupit mercenar rus, Wagner, Yevgeny Prigozhin, ka folur të dielën për anulim të planit për tërheqje të forcave nga qyteti Bahmut, në lindje të Ukrainës. Ai i ka bërë këto deklarata, pasi ka marrë premtime përgjatë natës se grupi do të furnizohet me armatim, në mënyrë që të fitojë kontrollin e qytetit.

Prigozhin pati thënë të premten se luftëtarët e tij, të cilët po luftojnë që disa muaj për Bahmutin, do të largohen nga qyteti, sepse ata kanë mbetur pa municion, prandaj edhe janë përballur me humbje të pajustifikuara. Ai madje i pati bërë thirrje publike ministrit rus të Mbrojtjes, Sergei Shoigu që të ndihmojnë me furnizime. Megjithatë të dielën, ai ka thënë se përgjatë natës janë furnizuar me municion, “për herë të parë pas gjithë kësaj kohe”.

“Neve na janë premtuar municione dhe armë, sa të kemi nevojë, për të vazhduar operacionet e mëtejme. Neve na është premtuar gjithçka që parandalon tentimet e armikut ndaj shkëputjes së furnizimeve tona”, ka shtuar ai.

Beteja për Bahmutin, të cilin Rusia e konsideron kyç, për të fituar kontrollin e gjithë rajonit të Donbasit, është kthyer në një betejave më të përgjakshme prej nisjes së luftës së Rusisë në Ukrainë, në shkurt të vitit të kaluar.

Shkrimtari rus Zakhar Prilepin, i plagosur rëndë nga një sulm me makinë bombë, ka dalë nga gjendja e komës.

"Ai është i vetëdijshëm, sipas mjekëve, gjendja e tij është e qëndrueshme,," raporton guvernatori i Nizhny Novgorod Gleb Nikitin .

Pak orë pas ngjarjes së ndodhur jo shumë larg qytetit të vogël të Borit, sipas Ministrisë së Brendshme është arrestuar një person dhe ka nisur hetimi për sulmin terrorist. Moska fajëson Kievin dhe shtetet perëndimore për sulmin.

Prilepin konsiderohet si një mbështetës i fortë i luftës së Rusisë kundër Ukrainës. Ai ka luftuar më parë përkrah separatistëve pro-Moskë në rajonin Donbass të Ukrainës. Një herë ai e përshkroi veten si një imperialist.

Alexander Permyakov i arrestuar në Rusi në lidhje me atentatin ndaj shkrimtarit të Kremlinit, Zakhar Prilepin pranoi se ka qenë pjesë e këtij sulmi dhe ekzekutor i tij.

Permyakov deklaroi para detaje nga atentati dhe urdhëruesit e tij.

Ai u tha hetuesve se përdori një bombë me komandim në distancë për të hedhur në erë makinën ku udhëtonte shkrimtari i njohur.

Më tej, ai shton se për realizimin e sulmit është ndihmuar dhe instruktuar nga shërbimet sekrete të Ukrainës.

Zakhar Prilepin mbeti i plagosur rëndë nga sulmi me bombë në rajonin Nizhny Novgorod, ku humbi jetën dhe drejtuesi i mjetit. Ai u dërgua me urgjencë në spital ku iu nënshtrua dhe një ndërhyrje kirurgjikale.

Kievi ende nuk e ka pranuar nëse është i përfshirë në sulmin ndaj Prilepin, të cilin e cilësonte si një armik ideologjik.

Që nga viti 2015 me gjasë disa qindra mijëra të mitur janë marrë nga zonat e pushtuara në Ukrainë dhe janë dërguar në Rusi. Kjo deklaratë ka ardhur nga tre ekspertë të angazhuar nga Organizata për Siguri e Bashkëpunim në Europë, OSBE. "Duket se ka një plan, që fëmijët të asimilohen në stil të gjerë", tha ekspertja e OSBE, Veronika Bilkova para mediave. Ekipi i ekspertëve deklaroi po ashtu, se ka pasur "një sërë (..) shkeljesh kundër të drejtave (..) të fëmijëve të deportuar." Numri i saktë i tyre është i panjohur, llogaritjet më të ulta prekin rreth 20.000 persona. Por si burimet ruse edhe ato ukrainase japin shifra që janë dhjetë herë më të larta ose më shumë. "Ne vërtet bëjmë fjalë për një fenomen masiv", tha Bilkova.

Rusia sipas raportit  ka marrë masa "ligjore dhe politike (...)që disa prej këtyre fëmijeve t'i jepet nënshtetësia ruse dhe të lehtësohet dërgimi  i tyre në familje kujdestare." Këta fëmijë në Rusi i ekspozohen një fushate proruse. Sipas të dhënave të Kievit që nga marshimi i Rusisë në Ukrainë në vitin e kaluar, 2022, më shumë se 19.000 fëmijë janë rrëmbyer në Rusi, shumë prej tyre ndodhen në jetimore dhe familje kujdestare. Rusia e mohon këtë dhe deklaron ndërkohë, se është përpjekur të mbrojë këta fëmijë nga tmerret e luftës.