‘Lufta’ kundër COVID-19, Pfizer nis provën e vaksinës tek fëmijët

Kompania farmaceutike BioNtech/ Pfizer ka nisur vaksinimin tek fëmijët nga 6 muajsh deri në 11 vjeç, për të parë efektivitetin e saj te kjo kategori.

Qëllimi i kësaj prove është zbulimi i dozës ideale për fëmijët e moshave të ndryshme.

Sipas mediave të huaja, prova e Pfizer do të testohet me tre doza të ndryshme, 10, 20 dhe 30 mikrogramë dhe së pari do të jetë tek fëmijët nga 5-11 vjeç, më pas nga 2 deri në 4 dhe në fund nga 6 muajsh deri në 2 vjeç.

Aktualisht pjesë e provës janë 144 fëmijë, por menjëherë pasi të përcaktohet doza e duhur, eksperimenti do të marrë përmasa më të gjëra duke testuar 4 mijë 500 fëmijë.

Kompania synon që në gjysmën e dytë të vitit 2021 të ketë një rezultat dhe të mund të bëhet i mundur autorizimi i vaksinës tek fëmijët nën 12 vjeç.

Në fillim të këtij muaji, Moderna njoftoi se kishte filluar një provë të vaksinës COVID-19 te fëmijët e moshave nga 6 muaj deri në 11 vjeç.

Edhe vaksina amerikane “Johnson & Johnson” po planifikon gjithashtu të testojë vaksinën e saj COVID-19 tek fëmijët dhe foshnjat.

Eksperimentet e vazhdueshme lidhur me vaksinimin e fëmijëve kundër COVID-19 janë në kuadër të përpjekjeve për imunizimin e tufës dhe fundit të pandemisë.

J.GJ./Shqiptarja.com

TAG:
• Fëmijët
• Koronavirus
• Pfizer
• Vaksina Covid