Lufta në Ukrainë, alarm për sulm ajror në të gjithë vendin, 5 viktima dhe 27 të plagosur! Zelensky: Rusët i mposhtim duke i luftuar në tokën tonë

Presidenti ukrainas Volodymyr Zelensky tha se terrori rus mund të ndalet vetëm në fushën e betejës në fjalimin e tij mbrëmjen e sotme.

“A mund të ndalet terrori rus? Po." tha Zelensky. “A është e mundur të bëhet disi ndryshe sesa në fushën e betejës në Ukrainë? Fatkeqësisht, jo. Kjo mund dhe duhet të bëhet në tokën tonë, në qiellin tonë, në detin tonë”, theksoi ai.

Për të arritur këto synime, Zelensky tha se ishte i bindur se Ukraina ka nevojë për armë që sipas tij janë në magazinat e partnerëve ndërkombëtarë.

"Asnjë ndjesi apo thjesht kalimi i kohës nuk do t'i ndalojë terroristët që po vrasin në mënyrë metodike njerëzit tanë me raketa, drone të blera në Iran, artilerinë e tyre, tanke dhe mortaja," shtoi Zelensky.

Si pasojë e sulmeve të reja kundër Ukrainës, më 14 janar, Rusia ka shkatërruar një ndërtesë nëntëkatëshe banimi në qytetin e Dnjipros, duke lënë të vdekur nëntë persona dhe duke plagosur dhjetëra tjerë. Të tjerë besohet se kanë mbetur të bllokuar nën rrënoja. Ndërtesa, po ashtu, është shkatërruar rëndë. Sipas zyrtarëve, raketat kanë goditur edhe objekte të infrastrukturës kritike në rajonin e Harkivit, i cili gjendet në kufi me Rusinë dhe në Lviv, qytet ukrainas në afërsi me Poloninë./ REL

Shërbimi Shtetëror i Emergjencave të Ukrainës tha se një fëmijë u vra në sulmin me raketa ruse në një bllok apartamentesh në qytetin qendror të Dnipro.

"Pesë njerëz vdiqën duke përfshirë një fëmijë," sipas llogarisë së Shërbimit Shtetëror të Emergjencave në Telegram.

Po ashtu bëhet me dije se janë plagosur 64 persona, përfshirë 14 fëmijë. 

Ndërkohë 38 persona janë nxjerrë nga rrënojat, mes tyre 6 fëmijë. 

Alarmi i sulmit ajror u aktivizua sot për herë të tretë në të gjitha rajonet e Ukrainës, përfshirë kryeqytetin Kiev. Lajmi është raportuar nga mediat ukrainase “Ukrainska Pravda”, e cila citon Vitalii Kim, guvernatorin e rajonit të Mykolaiv.

Pesë persona janë vrarë dhe 27 janë plagosur pas një sulmi me raketa ruse që goditi një ndërtesë apartamentesh në qytetin ukrainas Dnipro.

Guvernatori i rajonit, Valentyn Reznichenko, tha se gjashtë fëmijë ishin në mesin e të plagosurve dhe të gjithë ishin në spital.

Sulmet sot vijnë ndërsa forcat ukrainase dhe ruse luftuan për kontrollin e Soledar, një qytet i vogël minierash kripe në Ukrainën lindore.

Rusia ka thënë se forcat e saj kishin marrë kontrollin e Soledar, por Kievi tha se trupat e saj ishin ende duke luftuar në qytet.

Mbretëria e Bashkuar do të dërgojë tanke Challenger 2 në Ukrainë për të forcuar ushtrinë ukrainase kundër forcave pushtuese ruse.

"Udhëheqësit reflektuan mbi gjendjen aktuale të luftës së Rusisë në Ukrainë, me fitoret e njëpasnjëshme të Ukrainës që i shtynë trupat ruse prapa dhe përkeqësuan çështjet e tyre ushtarake dhe morale. Ata ranë dakord për një përshpejtim të mbështetjes globale ushtarake dhe diplomatike për Ukrainën. Kryeministri nënvizoi ambicien e Mbretërisë së Bashkuar për të intensifikuar mbështetjen tonë për Ukrainën, duke përfshirë sigurimin e tankeve Challenger 2 dhe sistemeve shtesë të artilerisë. Kryeministri dhe presidenti Zelenskyy mirëpritën angazhime të tjera ndërkombëtare në këtë drejtim, duke përfshirë ofertën e Polonisë për të siguruar një kompani tankesh Leopard.Kryeministri theksoi gjithashtu se ai dhe e gjithë qeveria e Mbretërisë së Bashkuar do të punojnë intensivisht me partnerët ndërkombëtarë për të ofruar me shpejtësi atë lloj mbështetjeje që do t'i lejojë Ukrainës të nxisë avantazhin e saj, të fitojë këtë luftë dhe të sigurojë një paqe të qëndrueshme" tha zëdhënës i Downing Street pas një bisede telefonike të kryeministrit Rishi Sunak dhe Presidentit Volodymyr Zelensky.

Një raketë ruse ka goditur infrastrukturën në kryeqytetin ukrainas të Kievit këtë mëngjes dhe shpërthimet kanë prekur më tepët lagjen Dniprovskiy.

"Sulm me raketë në objektet kritike të infrastrukturës. Detajet po sqarohen. Qëndroni në strehimore”, tha Kyrylo Tymoshenko, nënkryetari i zyrës së presidentit.

Rusia ka goditur infrastrukturën energjetike të Ukrainës me raketa dhe dronë që nga tetori, duke shkaktuar ndërprerje gjithëpërfshirëse të energjisë elektrike dhe ndërprerje të ngrohjes qendrore dhe ujit të rrjedhshëm.

Guvernatori i rajonit të Kievit të Ukrainës, Oleksiy Kuleba, ka thënë se si pasojë e sulmit të mëngjesit të sotëm, 18 shtëpi private janë dëmtuar.

 “Si pasojë e sulmit të mëngjesit janë dëmtuar 18 shtëpi private, çati dhe xhama të dëmtuara. Shërbimet e urgjencës janë në vendngjarje.Më parë nuk ka pasur viktima. Zjarri është vënë nën kontroll në objektin e infrastrukturës kritike, tha ai.

Forcat ruse sulmuan sërish qytetin Zaporizhzhia në Ukrainën juglindore këtë mëngjes, tha kryebashkiaku Anatoly Kurtev.

“Në mëngjes armiku sërish ka sulmuar Zaporizhzhinë. Jemi duke verifikuar informacionet për shpërthimet e dëgjuara nga qytetarët”, ka shkruar Kurtev.

Gjithashtu këtë mëngjes, rusët sulmuan gjithashtu Kievin dhe rajonin e tij, si dhe qytetin e Kharkiv.