Lufta ndaj COVID-19/ Situata në Brazil del jashtë kontrollit, mbi 2 mijë vdekje në ditë

Brazili ka tejkaluar 2,000 vdekje të lidhura me Covid në një ditë të vetme, për herë të parë, ndërsa numri i të infektuarve vazhdon të rritet me një shpejtësi të jashtëzakonshme. Vendi ka shënuar numrin e dytë më të lartë të vdekjeve në botë, pas SHBA me një total prej 268,370 viktimash.

Kjo do të thotë që Brazili ka një normë prej 128 vdekjesh për 100,000 banorë, i 11-ti midis 20 vendeve më të prekura në botë. Normat më të larta të vdekshmërisë  janë regjistruar në Republikën Çeke me 208 vdekje për 100,000 njerëz dhe Mbretërinë e Bashkuar me 188 vdekje për 100,000 njerëz.

Ekspertët paralajmërojnë që niveli i transmetimit përkeqësohet nga variantet e reja të COVID që janë më ngjitës, në veçanti nga varianti brazilian.

Të dhënat paraprake sugjerojnë se varianti P1 mund të jetë deri në dy herë më i transmetueshëm se versioni origjinal i virusit dhe mundësia e ri-infektimit sillet ndërmjet 25% dhe 60%.

Javën e kaluar, Instituti Fiocruz tha se P1 ishte vetëm një nga disa "variante shqetësimi" që janë bërë dominuese në gjashtë nga tetë shtetet e studiuara nga organizata me bazë në Rio.

Të mërkurën, ish-udhëheqësi Luiz Inacio Lula da Silva i quajti vendimet e Presidentit Jair Bolsonaro të marra gjatë pandemisë si” idiote”.

Z. Bolsonaro, i cili u fotografua me një maskë për herë të parë në një muaj të mërkurën, ka kërkuar vazhdimisht të minimizojë kërcënimin që paraqet virusi. Në fillim të kësaj jave ai u tha njerëzve të “ndalonin të ankesat”.

Rritja e rasteve ka vendosur sistemet shëndetësore në shumicën e qyteteve më të mëdha të Brazilit nën presion të madh, ku shumë prej tyre janë afër kolapsit.

 

/r.k./Shqiptarja.com

TAG:
• Brazil
• Koronavirus
• varianti i ri i COVID