Artistët shqiptarë, të shpërndarë në çdo vend të botës, kanë vijuar me thirrjet e tyre për të ndërgjegjësuar njerëzit se vetëm duke treguar kujdes dhe duke qëndruar në shtëpi, do ia dalim për të fituar luftën ndaj koronavirus.
Nga SHBA vjen mesazhi i balerinës Adel Lami, ndërkohë që nëpërmjet këngës, i janë bashkuar kësaj thirrje edhe artistët brenda vendit.
“Të gjithë bashkë do t’ia dalim”, por duhet që të kemi besim edhe të ngrohim shpirtin e njëri-tjetrit me më shumë shpresë dhe optimizëm. Kjo është iniciativa e artistëve shqiptarë, të cilët dita-ditës realizojnë video-mesazhe për bashkëkombësit e tyre brenda edhe jashtë kufijve, për ndërgjegjësim ndaj COVID-19.
Parodistët e Vlorës Afrim Agalliu dhe Agron Hamo vijnë me një këngë të orkestruar nga Artur Dhamo për virusin korona. Artistët përmes këngës jo vetëm përshkruajnë situatën, por edhe bëjnë apel që të të gjithë bashkë të respektojmë edhe këshillat e dhëna nga specialistët.
Aktorja Klodjana Keço përmes interpretimit të një pjese nga monologu i “Ditarit të Anna Frank” përcjell tek të gjithë shqiptarët mesazhin, se duhet të kemi besim se do t’ia dalim, por edhe të ruajmë shpirtin e njëri-tjetrit.
Bashkëpunimeve artistike përmes internetit nuk u ka thënë jo as violinisti i njohur Tedi Papavrami. Ai përmes një duoje në violinë luan me Alexandra Conunova-n pjesë nga “8 kapriçot” e Wieniawski-t.
Violinistja shqiptare Lirza Zaloshnja ka bërë bashkë përmes interpretimit live nga interneti artistët nga e gjithë bota, për të përcjellë mesazhe optimiste edhe më shumë solidaritet. Vet artisja e konsideron këtë iniciativë një mënyrë që njerëzit të ndërgjegjësohen edhe të jenë të kujdesshëm për situatën ku gjendet e gjithë bota.
700 fëmijë italianë edhe evropianë janë bërë bashkë për të kënduar arien e njohur “Nessun Dorma” të Giacomo Puccinit. Dirigjenti i orkestrës live Germano Neri përmes këtij realizmi përcjell mesazhin e jetës, që do të rilindë sërisht, edhe brezi i ri më shumë se kurrë do të jetë i bashkuar.
Kompozitori edhe pianisti Genc Tukiçi së bashku me vajzën e tij, Nadian gjatë kësaj periudhe vetizolimi nga shtëpia e tyre në Francë këndojnë këngën “Të du moj gocë e vogël”.
Këngëtari Jon Tarifa në një lidhje direkte me emisionin "Rreze Dielli" është shprehur se gjëja e parë që do të bëjë, sapo të mbarojë situata nga koronavirus do të jetë ardhja në Shqipëri, ku ka familjen. Ai thotë që të qëndroni pranë familjeve tuaja, por mos kini frië për të vazhduar jetët tuaja.
"Ju lutem kini kujdes! Ndodhemi në një situatë ku një përqafim apo një puthje konsiderohet krim, ju vazhdoni jetën dhe shfrytëzojeni këtë kohë. Shfrytëzojeni këtë kohë për të bërë gjërat që ju pëlqejnë. Gjëja e parë që do bëj sapo kjo të mbarojë, do vij në Tiranë sepse më ka marrë malli të përqafoj familjen time.", shprehet këngëtari.
'Hear me out' është kënga më e re që Jon Tarifa i ka dedikuar situatës së krijuar nga koronavirus. Ai ka interpretuar një pjesë të këngës me mesazhe të forta sensibilizuese live në emisionin "Rreze Dielli". Për këtë këngë ai është shprehur se e ka realizuar për një javë nga ideja, deri te përfundimi i videoklipit. Nëpërmjet kësaj kënge ai përcjell mesazhin se të gjithë duhet të qëndrojnë në shtëpi, në mënyrë që ky virus të mos ketë pasoja të rënda për ju dhe të dashurit tuaj.
Është frymëzuar nga rrugët boshe nga koronavirus për të bërë këngën e tij më të re "Hear me out" dhe e ka realizuar për një javë nga ideja deri te videoklipi! Këngëtari Jon Tarifa shprehet në "Rreze Dielli" se kjo këngë u realizua me plot vështirësi, për shkak të masave që duhet të zbatonte nga koronavirus. Këngëtari thotë se është I frymëzuar, ndaj periudhën e karantinimit do ta shfrytëzojë edhe për të përfunduar një album.
“Teksti erdhi shumë kollaj, atë që kisha në mendje më duhet të shkoja në studio, gjithcka u bë me kujdes, ishte eksperincë unike.Vajta në studio me dorashka, xhirimi u bë duke mbajtur distancë me kameramanin. Gjithcka ndodhi shumë shpejt për një javë. Tani që jam i izoluar do të bëj një album, kam një frymëzim dhe dua ti shtrohem” shprehet këngëtari.
Duket se ditët e izolimit fëmijët po i shfrytëzojnë në maksimum. Ndryshe nga të tjerët që ndoshta izolimi I ka bezdisur paska, fëmijët janë një kategori që po I shijon ditët e karantinimit. Nga mësimet e pianos, në këngë apo balet, ata i kanë mbushur me art ditët e tyrë. Fëmijë personazhesh të njohur të vendit, por edhe ata që aspirojnë të bëhen vetë një ditë artistë të mëdhenj, sjellin video mjaft interesante.
Nga SHBA, atje ku jeton prej tashmë disa kohësh, balerina Adel Lami bën thirrje që të gjithë të qëndrojmë në shtëpi, në mënyrë që ta fitojmë betejën me këtë pandemi globale.
Ajo thotë se këtë periudhë po e shfrytëzon për të lexuar sa më shumë, pork a zbuluar edhe një ‘talent tjetër të vetes, pikturën.
Me mesazhin se nuk ka asnjë më të rëndësishme sesa jeta, Ivana Hoxha, mezzo sopranoja e TKOB bën thirrje që të qëndroni në shtëpi. Ajo po kalon një nga periudhat më të lumtura të jetës së saj, pritjen e ëmbël. Me muzikën që nuk e harron kurrë, me pozitivitet dhe aspak frikë në këtë situatë, Ivana ka diçka për t'ju thënë!
Erik Lloshi, Silver Metka, Ermal Pepa, Fabian Metkaj kanë sjellë nga shtëpitë e tyre me anë të një video “Këngët e Rinisë” të Luan Zhegut.
Kjo këngë është e kompozuar nga Agom Krajka dhe njiher si një perlat e muzikës shqiptare.
Lajme të tjera
-
FOTO/ Muralet në zemër të kryeqytetit, artistët ndërkombëtarë ‘shndërrojnë’ pallatet e Tiranës në vepra arti
31 Gusht 2023, 10:18 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18 -
Eduard Zaloshnja: Efekti i epidemisë dhe luftës në Ukrainë tek çmimet e konsumit
27 Shkurt 2023, 15:13
