Ishte viti i super lekut, 2023, pasi valutat (euro-dollarë) u zhvlerësuan me mbi 15%, luhatje që duhet të përktheheshin në çmime më të lira për qytetarët, por në fakt ndodhi e kundërta, pasi inflacioni si për mallrat e importit ashtu dhe për ato vendase u rrit.
“Vetëm nga luhatjet e kursit të këmbimit, tregtarët kanë fituar qindra miliona euro”, thotë eksperti Klodian Muço.
Edhe pse pritet që këtë vit, inflacioni të zbresë në 3%, ekspertët e ekonomisë vlerësojnë se abuzimi i tregtarëve, mund të deformojë realitetin, duke u shtuar kostot xhepit të qytetarëve.
“Duke parë inflacionin në BE në tremujorin e fundit, tendencat janë që edhe inflacioni të zbresë. Sigurisht që produkte të caktuara do të kenë rritje, sigurisht duhet të jemi të përgatitur që edhe në muajit në vijim produkte specifike do kenë çmime të larta për shkak edhe të abuzimit të tregtarëve”, pohon Muço.
Eksperti Klodian Muço thotë se shembujt e abuzimeve janë të freskëta dhe të qarta. Rasti i fundit sipas tij është rritja e çmimit të mishit, në prag të festave të fundvitit.
“Nuk është se në muajit e fundit të vitit kemi një mungesë mishi, dhe në muajit e tjetër kemi prodhim më të ulët është thjesht abuzim i tregtarëve. Siç është edhe abuzimi i tregtarëve të hidrokarbureve, nga një anë kemi rënie të dollarit drejt lekut, nga ana tjetër ka rënë edhe çmimi i naftës në tregjet e huaja, kurse në Shqipëri reagimi i kompanive të shumicës dhe pakicës është i ngadaltë, ose kalojnë ditë që të shohim një ndryshim”, thotë eksperti.
Çmimet e larta kanë furnizuar arkën e shtetit, por nga ana tjetër kanë zbrazur xhepat e qytetarëve, të cilët në tremujorin e tretë të 2023 ulën konsumin, ndërkohë që në muajit e fundit të vitit që lamë pas reduktuan edhe kursimet.
Konsumi i qytetarëve në 9 muajit e vitit të shkuar, ishte 2% më i ulët se në 2022-shin, ndërsa depozitat e qytetarëve sipas Bankës së Shqipërisë u ulën me mbi 22.6 miliardë lekë në fund të nëntorit.
Teksa institucionet vijojnë në të njëjtën linjë me pritshmëri për ulje të inflacionit në këtë vit, nga ana tjetër sektori i ndërtimit, industrisë, tregtisë dhe shërbimeve paralajmërojnë shtrenjtim të produkteve të tyre edhe gjatë 2024-ës, madje vlerësojnë që inflacioni do të jetë afro 5.8%.
Komente
Lajme të tjera
-
Inflacioni ra në 1.9% në shtator, niveli më i ulët prej 2021! Por ushqimet vetëm shtrenjtohen
8 Tetor, 19:38
-
BSH: Kriza e inflacionit i përket së shkuarës! Bizneset pa punonjës edhe pse rritën pagat
15 Gusht, 16:57
-
S’ulet norma bazë e interesit! Rritja e pagave për të mbajtur stafin në rrezik për inflacionin, Sejko për mikrokreditë: Kemi zbatuar ligjin
7 Gusht, 17:04
-
Rritja e çmimeve mbetet e ulët, inflacioni zbret në 2.1% në qershor
10 Korrik, 07:24 -
Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile
19 Qershor, 12:45
-
Ndalon rënia! Inflacioni rritet për herë të parë këtë vit, shtrenjtohen ushqimet, qiratë dhe energjia elektrike
10 Qershor, 14:57
-
Inflacioni i qëndrueshëm, por më i ulët se në vendet e BE! Shtrenjtohet argëtimi e shërbimi arsimor
17 Maj, 16:27
-
Bie inflacioni në 2.1%, niveli më i ulët nga 2021, por ushqimet vetëm shtrenjtohen
8 Maj, 15:24
-
Niveli më i ulët prej vitit 2021, inflacioni zbret në 2.3 %! INSTAT: Mallrat po shtrenjtohen, përveç karburantit
8 Prill, 16:51
-
Inflacioni po ulet prej rënies së çmimeve në tregjet e huaja! Sejko: Situata ekonomike pozitive! Është herët për të ulur normën bazë të interesit
20 Mars, 18:12
-
Zaloshnja: Produktiviteti dhe inflacioni, ndërthurja e tyre aktuale në Shqipëri
20 Shkurt, 09:06
-
Banka e Shqipërisë: Vendi mund të përballet me valë inflacioni! Shkak konfliktet rajonale dhe mungesa e punëtorëve
15 Shkurt, 17:27
Kjo ndodh sepse shteti nuk i ve fre matrapazllekut qe ka zene per gryke tregetine.Ketu ku jam une,shteti nuk lejon qe cmimet te jene te njejta neper tregje e supermarkete per te njejten gje,po keshtu dhe gazi e nafta,mund te vertiten deri diku rreth nje shifre,por ndryshojne nga nje shites tek tjetri.Po lexoja tek /Sociale/ per blektore qe kishin dale ne proteste, se baxhot kishin rene dakord mes tyre t'ua merrnin qumeshtin jo vetem me gjysem cmimi,por dhe ate me cmim te njesuar.Po keshtu,ka 32 vjet qe perseritet e njejta histori,qe cdo gje shtrenjtohet per festa ne Shqiperi,kur gjithe bota ben te kunderten dhe shteti ben syrin qorr e veshin shurdh per c'ka ndodh cdo dite para hundeve te tij!!
PërgjigjuShyqyr qe foli dikush se qeveria ka mendjen per llustra
PërgjigjuShkoi lulelakra 3 mijë lek jo më mishi!!????
PërgjigjuKur nuk kemi shtet te na kontrolloje cmimin dhe cilesine mire na e bejne si tek mishi tek djathi.nafta e celularet.
Përgjigju