Situata në Lindjen e Mesme ka qenë objekt i bisedimit telefonik mes presidentit të sapozgjedhur amerikan, Donald Trump dhe kryeministrit izraelit, Benjamin Netanyahu.
Sipas mediave, kryeministri izraelit dhe Trump kanë biseduar në telefon mëngjesin e sotëm (16 Dhjetor) dhe kanë diskutuar progresin në bisedimet për një marrëveshje për lirimin e të burgosurve të mbajtur në Rripin e Gazës dhe zhvillimet në Siri.
Presidenti i zgjedhur amerikan thuhet se ka deklaruar dëshirën e tij për një armëpushim dhe një marrëveshje për lirimin e pengjeve përpara se të marrë detyrën më 20 Janar, duke thënë se do të ketë "ferr për të paguar" nëse ata nuk kthehen në Izrael.
Biseda ka pasur në qendër Gazën dhe Sirinë gjithashtu, pasi edhe atje situata mbetet e paqëndrueshme pas arratisjes së Bashar al Assad dhe marrjes së vendit nga rebelët e Hay’at Tahrir al-Sham (HTS).
Në krahun tjetër. ii dërguari special i OKB-së për Sirinë, Geir Pedersen, mbërriti sot në Damask ku u takua me kreun e grupit islamik Hayat Tahrir al-Sham (HTS), Al-Jolani, kreu i koalicionit që përmbysi pushtetin e Bashar al-Asad.
Kështu është bërë e ditur përmes një komunikate për media nga grupi.
Abu Mohammad al-Jolani, i cili tani shkon me emrin e tij të vërtetë, Ahmad al-Chareh, dhe Pedersen diskutuan "ndryshimet në skenën politike, të cilat kërkojnë rishikim" të Rezolutës 2254 të Këshillit të Sigurimit të OKB-së, sipas deklaratës së publikuar në Telegram.
Rezoluta e miratuar në vitin 2015 përcakton një udhërrëfyes për një zgjidhje politike në Siri.
Edhe Shefja e politikës së jashtme të BE-së, Kaja Kallas, tha se i dërguari i bllokut për Sirinë do të shkonte në Damask për të biseduar me udhëheqësit e rinj të Sirisë, ndërsa fuqitë perëndimore po intensifikojnë angazhimet pas rrëzimit të Bashar al-Asadit.
Shefja e politikës së jashtme të BE-së, Kaja Kallas
Shefja e politikës së jashtme të BE-së, Kaja Kallas, tha të hënën (sot, 16 Dhjetor), se i dërguari i bllokut për Sirinë do të shkonte në Damask për të biseduar me udhëheqësit e rinj të Sirisë, ndërsa fuqitë perëndimore po intensifikojnë angazhimet pas rrëzimit të Bashar al-Asadit.
Kjo lëvizje nga Brukseli vjen pasi Shtetet e Bashkuara të Amerikës dhe Britania e Madhe thanë se kishin kontaktuar autoritetet e reja në Damask, të udhëhequra nga grupi rebel, Hayat Tahrir al-Sham (HTS), raporton REL. Fuqi rajonale dhe ndërkombëtare kanë nisur kontaktet me liderët e rinj në Siri pas rrëzimit të Asadit përmes një ofensivë, duke i dhënë fund pesë dekadave të sundimit të familjes së tij.
“Diplomati ynë kryesor për Sirinë do të shkojë sot në Damask. Do të kryejmë kontaktet atje”, u tha Kallas gazetarëve para një takimi të ministrave të Jashtëm të BE-së.
Vendet e BE-së — si vende të tjera në Perëndim — janë treguar të kujdesshëm në deklaratat ndaj udhëheqjes së re në Damask, duke pasur parasysh që HTS-ja kishte rrënjë në Al-Kaeda dhe është e listuar si një grup terrorist nga një numër qeverish. Kallas tha se ministrat e Jashtëm të BE-së në Bruksel do të diskutojnë “se si të angazhohemi me udhëheqjen e re të Sirisë dhe në çfarë niveli të angazhohemi”.
“Nuk mund ta lëmë një vakum”, tha Kallas, e cila mori detyrën si diplomate kryesore e BE-së këtë muaj. “Për ne, nuk janë vetëm fjalët, por duam të shohim veprime që shkojnë në drejtimin e duhur. Pra, jo vetëm çfarë po thonë, por edhe çfarë po bëjnë”, tha Kallas. “Mendoj se javët dhe muajt e ardhshëm do të tregojnë nëse gjërat do të shkojnë në drejtimin e duhur. Dhe mendoj se atëherë do të jemi të hapur për të diskutuar hapat e ardhshëm”, shtoi ajo.
Lajme të tjera
-
Prag Krishtlindjesh, Papa Françesku bën thirrje për armëpushim në Gaza dhe Ukrainë
22 Dhjetor, 15:32 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
U kritikua nga ministri izraelit sepse kërkoi hetim për gjenocid, Papa Françesku: Bombardimet në Gaza janë mizori
21 Dhjetor, 15:46 -
Dy senatorë amerikanë propozojnë sanksione ndaj Turqisë lidhur me veprimet në Siri
21 Dhjetor, 15:36 -
SHBA/ Dhoma e Përfaqësuesve miraton planin për buxhetin e qeverisë, do të shmangte mbylljen e pjesshme të saj
21 Dhjetor, 08:15 -
SHBA: Kemi vrarë liderin e Shtetit Islamik në Siri
20 Dhjetor, 18:40 -
Qeveria amerikane rrezikon mbyllje të pjesshme në mesnatë
20 Dhjetor, 17:05 -
Zgjedhjet në Gjermani/ Elon Musk shpreh hapur mbështetjen për AfD-në, partinë e ekstremit të djathtë
20 Dhjetor, 16:49
