Numri i të vdekurve nga lufta mes forcave rivale në Sudan ka shkuar në 512, ndërsa mbi 4 mijë të tjerë janë plagosur. Operacionet e evakuimit janë duke vijuar, ndërkohë që armëpushimi 3 ditor përfundon në mesnatë.
Numri i të vdekurve nga luftimet e ashpra mes forcave rivale të Sudanit ka arritur në 512 ndërsa 4,193 të tjerë të plagosur, sipas deklaratës së bërë nga Ministria e Shëndetësisë. Banorët kanë raportuar se dhuna është përhapur përtej kryeqytetit Khartoum, në qytetin e Genena ku forcat rebele kanë terrorizuar civilët, ndërsa po vjedhin dhe vrasin.
Ndërkaq forcat paraushtarake kanë akuzuar ushtrinë, se kjo e fundit ka sulmuar një nga bazat e tyre me sulme ajrore dhe artileri gjatë armëpushimit, i cili pritet të përfundojë në mesnatë. Nga ana tjetër operacionet e shpëtimit të ndërmarra nga shumë qeveri janë në garë me kohën. Kina, një nga partnerët më të mëdhenj tregtarë të Sudanit, ka vendosur një anije detare për të evakuuar më shumë nga qytetarët e saj. Ministria jashtme kineze tha se pritet të transferojë rreth 800 persona përpara se armëpushimi të përfundojë.
Misioni britanik i evakuimit ka shpëtuar 536 persona në gjashtë fluturime, India ka evakuuar me sukses 297 qytetarë te saj, ndërsa afro 20,000 sudanezë janë zhvendosur në Çadin fqinj. Edhe Arabia Saudite thotë se ka evakuuar 187 persona, përfshirë qytetarë nga 25 kombësi. Armpushimi përfundon në mesnatë, ndërsa disa shtete po ndërmjetësojnë për zgjatjen së tij. Ministri i jashtëm i Sudanit të Jugut tha se propozimi për diskutime midis palëve ndërluftuese ishte pranuar nga ushtria sudaneze, por rivalët e tyre, Forcat e Mbështetjes së Shpejtë, nuk janë përgjigjur ende.
Gjithashtu edhe i dërguari i OKB-së në Sudan, Volker Perthes, ka konfirmuar se po përpiqet të organizojë një zgjatje të armëpushimit aktual të ndërmjetësuar nga SHBA.
Lajme të tjera
-
VIDEO/ Shembet diga pas shirave të rrëmbyeshëm në Sudan, të paktën 60 të vdekur dhe mbi 100 të zhdukur
26 Gusht, 15:04 -
Futbolli nuk njeh kufij! Në Sudan është vdekjeprurëse të godasësh topin, klubi më i madh zhvendoset në tjetër shtet
17 Prill, 17:37 -
Egjipti u bën thirrje qytetarëve të largohen nga Sudani
28 Dhjetor 2023, 11:00 -
SHBA sanksionon liderin paraushtarak sudanez për shkeljen e të drejtave të njeriut
6 Shtator 2023, 18:36 -
‘Anonymous’ sulmojnë rrjetin social X! Hakerat nga Sudani kanë një kërkesë për Elon Musk
31 Gusht 2023, 11:45 -
OKB paralajmëron për rrezikun e një katastrofe rajonale, shkak lufta në Sudan
25 Gusht 2023, 11:59 -
Rreth 500 fëmijë kanë vdekur nga uria që nga fillimi i luftës në Sudan
22 Gusht 2023, 15:00 -
Guterres: Sudani është në prag të një lufte të hapur civile
9 Korrik 2023, 14:31 -
U vendos armëpushimi për festën e Kurban Bajramit, palët luftuese në Sudan shkelin sërish marrëveshjen
28 Qershor 2023, 13:34 -
UNICEF: 300 fëmijë të bllokuar u shpëtuan nga jetimorja sudaneze! 71 vdiqën nga uria dhe sëmundjet
8 Qershor 2023, 16:32 -
Tension në Sudan, luftime të ashpra vijojnë në kryeqytet
4 Qershor 2023, 08:38 -
Lufta në Sudan, OKB bën thirrje për respektim të armëpushimit mes palëve
23 Maj 2023, 11:28
